Qadın
Beləliklə, siz «hamiləliyin ikinci rübü» adlı ecazkar tamaşanın baş qəhrəmanı rolunu tamamilə mənimsəmisiniz. Gələcək ana fəxri adını vüqarla daşıya bilərsiniz. Ailə üzvləriniz də bunu yetərincə anlamalıdırlar. Adətən, bu dönəmdə ailədə gözlənilən artımla bağlı normal «işgüzar» münasibət yaranır. Hər kəs yardım etməyə, dəstək olmağa çalışır. Ailə üzvlərinizin hər cür iştirakını dəyərləndirin – xoşməramlı birgə çalışıb – cavablamalar ailə üvlərini yaxınlaşdırır, sanki  ailəni «sementləyir».

İçinizdəki dəyişikliyə gəldikdə isə, güzgüyə baxdıqda qarnınızın ortasında qasığdan göbəyə qədər qəhvəyi xəttin uzandığını görəcəksiniz. Bunun səbəbi «melanin» adlanan xüsusi piqment maddəsidir. Hormonların növbəti işləyidir. Naraht olmayan – doğuşdan sonra keçib gedəcək.

Gələcək uşaq
Körpənin başında tük çıxmağa başlayır. Əlbəttə, bu hələ sizin gələcəkdə həvəslə darayacağınız (bəlkə də, hörüb, ya  da, toplayacağınız saçlardan deyil). Dəri çox zərifdir, rəngi çəhrayıdan çox qırmızıya çalır. Alimlər hesablamışlar – bu dövrdə körpənin kiçik ürəyi gün ərzində 23 litr qan vurur.

Döl müntəzəm olaraq sidik kisəsini boşaldır. Sidik amniot mayesinə qarışaraq onun tərkibinin saxlanılmasına kömək edir. Lakin körpənizin sidiyi dölyanı suyun  ən başlıca komponenti deyil, hər halda hələki bu belədir. Su döl qovuğunun hüceyrələri tərəfindən hasil edilir. Dölyanı sular gün ərzində 8-10 dəfə «təzələnir». Bu, lazımi kimyəvi tərkibin (su, mineral, üzvü maddələrin qarışığı) saxlanılması üçün vacib olan sterilliyi təmin edir.

Döl qovuğunun və amnoit mayesinin körpə üçün böyük əhəmiyyəti var. Bu, həm mexaniki təsirlərdən müdafiə, həm rahat hərəkət imkanı, həm də ağciyərlərin, böyrəklərin, həzm sisteminin inkişafının əməli yardımçısıdır. Həmçinin, amniot mayesi körpənin ilk mühiti məskənidir. O, bu mühiti, fəal şəkildə öyrənir, informasiya  və kimyəvi maddələr mübadiləsi edir. Bu mühitin rahatlığı barədə ayrıca danışmaq lazımdır. Təsəvvürünüzə gətirin – dünyanızın sərt reallığından  - ümumdünya cazibə qanunundan, sənaye hay –küyünün gözqamaşdırıcı işıq  və hərcimərciliyin üstünə sığal çəkən ilıq, təmiz, demək olar ki, şəffaf su, çəkisizliyin xoş duyğusu, solğun işıq, dölyanıı suların içindən keçən hər hansı bir səsin sehrli çaları – təəccüblü deyil ki, insanların çoxu ömrülərinin ilk doqquz ayını keçirdikləri aləmə şüuraltı məhəbbətlərin həmişəlik saxlayırlar.

Yorulmaz yapon alimləri «süni uşaqlıq» - ana bətnini andıran xüsusi  kamera quraşdırmışlar.  Elastik materialdan hazırlanmış içi xüsusi maye ilə dolu çənə döl şəklində oturmuş yaşlı insan yerləşə bilər.  «Süni uşaqlıqda» olmuş  insanların dediyinə görə, belə təhlükəsizlik hissini, rahağlığı və relaksasiyanı heç bir zaman (çoxdan, desələr, daha düzgün olardı) hiss etməmişlər.

Su mühiti – dölün alışdığı və sevimli məskənidir. Məhz buna görədir ki, doğuşun suda aparılması və körpələrin üzməyə erkən alışdırılması dünyada geniş populyarlıq qazanıb. Elə buna görədir ki, müxtəlif çatışmazlıqlarla doğulmuş körpələrin reabilitasiyası üçün qabaqcıl pediatriya klinikalarında su ilə bağlı hərəkətlərdən, həmçinin «quru immersiya» texnikasından (d.d., dünyaya yenicə gəlmiş körpələrin alışdığı çəkisizliyin  modelləşdirilməsi) istifadə edilir. Bu səbəbdən, varisinizin adi çimməsini körpənizə sevinc gətirəcək sehrli ayinə çevirməlisiniz. Baxmayaraq ki, bu sizə yarım ildən sonra lazım olacaq, bunu indidən düşünməyə başlayın (intizar dolu sakit axşamlarda başqa nə etmək olar?)

Bu dövrdə körpəniz təxminən belə görünür. Baş barmağını necə sorur, bunu az sonra görəcəksiniz.