Xərçəng bürcü ilə Qoç bürcünün uyğunluğu
Demək olmaz ki, münasib
əlaqədir. İlk vaxtlar Xərçəngə Qoçun qizğınlığı və qətiyyəti xoş
gələcək. Ancaq bir müddətdən sonra aralarında ixtilaf və ədavət
başlanacaqdır. Fəal, təşəbbüskar xasiyyətli qadın onu özünə tabe etməyə,
əl-qolunu bağlamağa çalışan emosional və qəribə xasiyyətli əri qəbul
edə bilməyəcək. Xərçəngin vasvasılığından irəli gələn əsassız
qısqanclığı qadını kobudluğa və bəzən əlaqəni kəsməyə vadar edəcək. Ər
arvadının sərtliyi, ürəyiaçıq qadın isə ərinin müəmmalı xasiyyəti
üzündən iztirab çəkəcək. Qoçun ərini səmimi söhbətə dəvət etməsi heç bir
nəticə verməyəcək. Çünki, "Xərçəng elə Xərçəng"dir. Belə olduqda qadın
hər çeyi atıb gedəcəkdir. Bu nigahlar qarşı tərəflərin xasiyyətləri
səciyyəvi olmadıqda mümkündür.