Balıqlar bürcü ilə Xərçəng bürcünün uyğunluğu
Tez həyacanlanan qadının daim Balıqların qəlbinin dərinliklərini öyrənməyə cəhd göstərməsi, bir növ şagirdlə müəllim münasibətini xatırladır. Onlar bu nigah nəticəsində daim yeniləşir, lakin axıradək tanıya bilmədikləri ər qarşısında özlərii itirirlər. Belə nigahlar mənəvi yaxınlıq və qarşılıqlı anlaşma üzərində qurulur. Qadın dəyişkəndir, ərin həyacanları isə sanki gah qabarır, çəkilir, gah da tədricən yox olur. Bir-birinin əhvali-ruhiyyəsinin belə dəyişkənliyinə uğramasına nə qədər dözə biləcəkləri onların özlərindən asılıdır. Lakin ər-arvad nə isə birgə işə başlasalar nigahları möhkəmlənər, işləri şübhəsiz ki, uğurla nəticələnər. Bu izdivacda yaşamaq asan olmayacaq, lakin təəf-müqabildən biri fədakarlıq edərsə, onları böyük xoşbəxtlik gözləyir.