Bəzi markalar öz liderləri ilə birlikdə "ölür"

Müəllif: YalniZ-ArZu
Şərhlər: 1
Baxılıb: 110
Səs ver:
(səs: 0)
Dünya dəyişdikcə dəyişənlər də var, birbaşa dünyanı dəyişdirənlər də, ya da hər ikisi eyni anda baş verir.

Əlbəttə, heç dəyişməyənlər də var, amma onlar mövzumuz deyil, yəqin ki, bir müddət sonra heç kimin mövzusu olmayacaqlar. Həm dəyişən, həm də dəyişdirən proseslərdənbiri PR-dır. Burada PR-ı proses adlandırdım. Bəlkə də, artıq hər şeyi proses adlandırmağın vaxtı gəlib. Bir şey özü proses olmadan necə deyişə bilər ki? PR prosesinin indiki sabit olmayan və dəyişməyə davam edən vəziyyətini çoxları Modern PR adlandırır. Başqa adlar da vermək olar, amma adından daha da vacib olan onun necə idarə edilməsidir. Bir prosesi idarə etmək vasitələr (“tools”) tələb edir. Burada ənənəvi PR-ın ənənəvi vasitələrinə toxunmadan modern PR-ın 3 vasitəsi haqqında fikirlərimi sizinlə bölüşəcəyəm.

1. Kontent marketinq: yəqin ki, çoxunuz artıq bu anlayışın nə olduğunu bilirsiniz. Ənənəvi PR markanı müştərinin büdcəsi hesabına (bu xərclərə əlavə edilir və xərclər də qiymət şəklində müştəri tərəfindən ödənilir) təşviq etmək və yaymaq strategiyası üzərində qurulmuşdusa, modern PR kontent marketinq vasitəsilə öz auditoriyasına onlar üçün faydalı və maraqlı olan müxtəlif növ məzmunlar və dəyərlər təklif edir. Əlbəttə, yenə də xərcləri müştəri ödəyir, yenə də marka təşviq edilir, amma bu dəfə müştəri ödədiyi məbləğ qarşısında əlavə fayda əldə edir. Bu yazıda da bunu etmirəmmi?..

Trendlərdən danışsaq, kontent marketinqə olan diqqət və onun istifadəsi getdikcə artmaqdadır və görünür, o həm PR, həm də marketinq fəaliyyətindəki yerini getdikcə möhkəmləndirəcək.

2. Davamlılıq (“sustainability”): bəlkə də, ölkəmizdə bu məsələ hələ ciddi şəkildə tətbiq edilmir, amma bu da bir prosesdir və zaman keçdikcə öz aktuallığını artırır. İnkişaf etmiş ölkələrdə isə davamlılıq prinsiplərinin tətbiqi artıq bir zəruriyyətə çevrilib. Davamlılıq deyəndə sosial dəyərlərə və ətraf mühitə qarşı məsuliyyətli olmaq, onları qorumaq, təbliğ etmək, cəmiyyətin və təbiətin yaxşılaşmasına töhvə vermək və ümumilikdə, cəmiyyətdəki və təbiətdəki balansın davamlılığını təmin edərək onları arzu edilən şəkildə gələcək nəsillərə çatdırmaq nəzərdə tutulur. Çətin görünməsin, bəlkə də, edə biləcəyimiz ən faydalı iş budur.

Bu mövzuda PR nə edə bilər? Kontent yaratmaqla yanaşı, PR-ın əsas funksiyalarından biri də müxtəlif mövzulu aksiyalar təşkil etməkdir. Modern PR kontent yaradarkən və aksiyalar həyata keçirərkən davamlılıq prinsiplərinə riayət edir və onu təbliğ edir. Bu marka üçün məsuliyyətli olmaq imici yaratdığı kimi cəmiyyətin, xüsusilə də şirkətləri bu mövzuda maariflənməsinə və oxşaraddımlar atmasına şərait yaradır. Yəni, kontent marketinqdə olduğu kimi modern PR bu vasitə ilə həm marka üçün, həm də auditoriyası üçün fayda yaratmış olur.

3. Lider: böyük şirkətləri, idman klublarını, hətta dövlətləri düşünün. Əksəriyyətinin ən az özləri qədər güclü şəxsi reputasiyaya sahib liderləri yoxdurmu? Hətta bəzi markalar öz liderləri ilə birlikdə “ölür”, ən azından bazarda mövqelərini itirirlər.

Modern PR xidmət etdiyi marka üçün liderlər yaradır və onları auditoriyaya birlikdə təqdim edir. Yəni marka və lider öz oxşar xüsusiyyətləri ilə ortaqlaşdırılır. Dahası, bəzi şirkətlər mövcud liderdən sonrakı mərhələ üçün fərqli marka siyasəti hazırlayır, çünki yeni lider yeni xüsusiyyətlər deməkdir və marka da onunla uyğunlaşmalıdır. Əlbəttə, bu markada radikal dəyişikliklər olacaq demək deyil, şirkətlər adətən öz dəyərlərinə yaxın liderləri işə cəlb edir. Öz şəxsi reputasiyanız haqqında düşünürsünüzsə, bu sualdan başlayın: özümü hansı markanın lideri olaraq görürəm? Ya da bir markanız varsa, sualı fərqli qoyun: lideriniz kimlər ola bilər?

Müəllif haqqında: Anar Əskərov 10 ildən çox təcrübəsi olan PR üzrə mütəxəssisdir. O “INPRESS PP şirkətinin təsisçisi və CEO-su, həmçinin Qafqaz regionunda ən böyük xəbər agentliklərindən biri olan Report İnformasiya Agentliyinin CEO-sudur. Onun əsas fəaliyyət istiqaməti yeni media dünyasında müasir alətlərdən istifadə edərək fərdlərə və şirkətlərə brendlərini qurmağa, qorumağa və mesajlarını auditoriyalarına düzgün şəkildə çatdırmağa yardım etməyə yönəlib.

(səs: 0)
Şərhlər: 1
Baxılıb: 110
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Offline
BARBI
Maraqli movzudu.Biznes sahesi cox saxelidi.Orda batmaqda zirveye cixmaqda var
14 avqust 2019 19:47
1
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Saytın hansı bölməsini xoşlayırsınız?

Qadınla.Com həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 

Qadın testləri