Zöhr namazını qılan adam niyyətdə çaşıb "məğrib namazını qılıram" desə, amma zöhr namazının qaydası ilə namaz qılsa, düzgündürmü?

İbadətlərdə əsas məsələ niyyəti düzgün müəyyən etməkdir, onu dil ilə söyləmək vacib deyil. Əgər insan namaza başlamazdan əvvəl və həmçinin, bütün namaz boyunca hansı namazı qıldığını ürəyində düzgün və dəqiq müəyyən etmişsə, bu müddət ərzində niyyətindən dönməmişsə və niyyətini unutmamışsa, namazı düzgündür.

Niyyəti çaşaraq səhv söyləmək namazı batil etməz. Məsələn, insan zöhr namazı qılmağa niyyət etsə, amma dil ilə namazın adını səhv söyləsə, bununla belə asta səslə (ixfa ilə) dörd rükətlik namaz qılsa, namazı düzgündür və zöhr namazını qılmış sayılır.