Quranda çəkilən bu 3 ad fərqli şəxslərə məxsusdur.
Həzrət Harun (ə) Həzrət Musanın (ə) qardaşı və ən yaxın yardımçısı olmuşdur. Allah-Taala Həzrət Haruna (ə) da peyğəmbərlik verdi və Həzrət Musa (ə) özündən sonra onu canişin təyin etdi.
Harut Qurani-Kərimdə iki mələkdən birinin (Harut və Marut) adı kimi çəkilir. Bəzi alimlər bunların mələk deyil, iki sehrbaz olduğunu yazırlar. Quranda bunların əhvalatı təsvir edilib, ətraflı məlumat üçün təfsir kitablarına müraciət etmək lazımdır.
Qarun isə Həzrət Musa Peyğəmbərin (ə) zamanında yaşamış bir şəxsin adıdır. O, əvvəlcə mömin olmuş, Həzrət Musanın (ə) köməyi ilə varlanmış, daha sonra var-dövlət onu haqq yoldan uzaqlaşdırmışdı. Qarun Həzrət Musaya (ə) qarşı çıxır, öz sərvətini ona qarşı mübarizədə xərcləyirdi. Deyilənlərə görə, Qarun hədsiz dərəcədə sərvətli olmuşdur, klassik ədəbiyyatda və xalq deyimində Qarun dövlətliliyin və qudurğanlığın rəmzi sayılır. Axırda Həzrət Musa Peyğəmbərin (ə) qarğışı ilə Qarun bütün var-dövləti ilə birlikdə yerin təkinə batib məhv oldu.