İslam dininin sülh dini olması barədə Quran ayələri

Müəllif: Ay_işığı
Şərhlər: 2
Baxılıb: 2 501
Səs ver:
(səs: 1)
Sülh, dostluq və başqalarına ehtiram göstərmək – dinimizin əsasını təşkil edir. Düşmənlərimiz İslam dinini kobud və sərt din kimi göstərməyə çalışsa da, ancaq İslam dini həqiqətdə sülh və əmin-amanlığın keşiyində olan bir dindir. Quran da bu deyilənləri təsdiq edir.

Belə ki, buyurur: “Əgər onlar sülh və barışığa meyil göstərsələr, sən də ona meyil et və Allaha təvəkkül et ki, şübhəsiz, Odur eşidən və bilən!”. (“Ənfal” 61).

Bu ayə Allah Peyğəmbərə (s) xitab edərək buyurur ki, düşmənlərlə əvvəl sülh bağlamağa cəhd et. Çünki sülh istəyi İslam dininin ən mühüm istəyidir.

Başqa ayədə oxuyuruq: “Ey iman gətirənlər, hamılıqla (Allaha) təslim və itaətə daxil olun və şeytanın addımlarına tabe olmayın ki, həqiqətən, o sizin aşkar düşməninizdir”. (“Bəqərə” 208).

Bu ayə göstərir ki, sülhdə heç bir istisna yoxdur. İslam dini o zaman vuruşur ki, dinə və Qurana təhlükə hiss olunur. Hər kim sülhü aradan aparmaq istəyər – şeytanın ordusundan olar.

“Allah din barəsində sizinlə döyüşməyən və sizi yurdunuzdan çıxartmayan (kafir) kəslərə yaxşılıq etməyi və onlarla ədalətlə rəftar etməyi sizə qadağan etmir. Çünki, Allah ədalətli olanları sevir”. (“Mumtəhənə” 8).

Bu ayə düşmənlərlə ədalətli rəftara dəvət edir. Bu yolla istəyir ki, paklıq və səfa möminlərin qəlbində hakim olsun. Bütün insanlar bir-birini qəlbən sevsinlər.

Bu cür nümunələr yüzlərlədir. Mübarək hədislərimizdə də bu barədə çoxlu buyuruşlar var.

Beləliklə deyə bilərik ki, İslam dini qətiyyən kobud və sərt bir din deyildir. Əksinə, həm öz davamçılarına və həm də başqa dinin davamçılarına qarşı rəhimli və sülhsevər bir dindir.
(səs: 1)
Şərhlər: 2
Baxılıb: 2 501
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri