Müqəddəs İslam dini səmavi din olaraq, məişətimizlə bağlı bir sıra tövsiyələr edir. Onlardan bəziləri süfrə mədəniyyətinə aiddir. O bizə hətta nələrin bəyənildiyini yaxud bəyənilmədiyini də öyrədir.
Qeyd olunanlarla yanaşı, dinimiz bir sıra əməlləri də məkruh (bəyənilməyən) hesab edir:
1-Yemək zamanı başqasının üzünə baxmaq
2- Səs çıxararaq yemək
3-İsti-isti yeyib-içmək
4-Tələsik yemək
5-Yemək zamanı danışmaq
6-Ayaq üstə və ya uzanılı vəziyyətdə yemək
7-Əziyyət verənə qədər yemək
8-Üfürərək yemək
Bəzi əməllərə isə dinimiz olaraq sövq edir:
1-Yeməyə başlamazdan əvvəl və sonra Allahın adını çəkmək
2-Yeməkdən əvvəl və sonra əlləri yumaq
3-Yeməyi duzla başlayıb, duzla qurtarmaq
4-Yeməyi tam çeynədikdən sonra udmaq
5-Sağ əllə yemək
6-İmkan daxilində başqalarını da süfrə arxasına dəvət etmək
7-Doymayana qədər yemək
8-Günorta yeməyindən sonra bir qədər uzanmaq