3-cü "Dostumuz".

Müəllif: Mr. OffiCeR
Şərhlər: 3
Baxılıb: 5 566
Səs ver:
(səs: 11)
Yer üzərində Fani adlı biri yaşayırdı. Onun 3 dostu var idi. Dostlarından ikisini daha çox sevərdi, onlarla tez-tez görüşər, çoxlu söhbət edərdi. Üçüncü dostu isə çox gec-gec yadına düşərdi.
Bir gün şəhərin Baş Hakim Fanini yanına çağırdı. Fani Hakimdən çox qorxduğu üçün dostlarından birinin onunla getməsini, onu tək buraxmamasını istədi. O, əvvəlcə birinci — ən çox sevdiyi dostunun yanına üz tutdu. Dostu üzünü turşutdu və çox vacib  bir məclisə dəvət aldığını və buna görə onunla gedə bilməyəcəyini söylədi. Fani bundan sonra ikinci — ən sevdiyi dostunun yanına getdi və ondan onunla getməsini xahiş etdi. Dostu bir az tərəddüddən sonra bu xahişi qəbul etdi və onunla getdi. Məhkəmə qapısına çatanda isə ayaq saxladı və dedi: «Bağışla, mən bundan sonra gələ bilməyəcəyəm, çox qorxuram. Sən özün tək getsən, daha yaxşı olar». Fani əlacsız məhkəmə qapısından tək içəri daxil oldu. Hakim onu bu günə qədər etdiyi işlərə görə sorğuladı. Elə bu vaxt Faninin gözləmədiyi anda üçüncü dostu onun köməyinə gəldi və elə şeylər danışdı ki, Hakim Faninin günahlarını bağışladı.
Bu hekayədə Fani biz insanlar, məhkəmə qapısı məzar daşı, Hakim isə uca Allahdır. Birinci dost bu həyatda ən çox sevdiyimiz var-dövlətimizdir ki, biz onu özümüzlə o biri dünyaya apara bilmərik. İkinci dostumuz yaxın qohum-əqrabımız, dost-tanışlarımızdır. Onlar da bizimlə yalnız məzarlığa qədər gələ bilərlər, lakin o biri tərəfə bizimlə gedə bilməzlər. Üçüncü, gec-gec xatırladığımız dost isə o biri dünyada bizə ən çox faydası toxunacaq olan, bu fani dünyada etdiyimiz yaxşılıqlardır.

Üçüncü dostunuza daha çox diqqət yetirin. Çünki, bizə o dünyada ən çox onun faydası toxunacaq!
(səs: 11)
Şərhlər: 3
Baxılıb: 5 566
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri