Əhməd ibn Məhran Əbu Bəsirdən rəvayət olunur: ”İmam Kazım (ə)-dan soruşdum ki, sənə qurban olum,imamı necə tanımaq olar? Həzrət dedi:
-Birincisi, gərək qabaqkı imam onun imamlığını bəyan etsin. İkincisi, qeybi və sabah nələrin olacağından xəbər versin. Üçüncüsü, hər bir insanla onun dilində danışsın. Ey Əbu Muhəəməd, nə qədər ki, buradasan, bir nişanə sənə göstərim!
Az keçmədi ki, bir Xorasanlı kişi içəri daxil oldu. Həzrətlə ərəbcə danışdı. Amma imam ona farsca cavab verdi. O şəxs İmama dedi:
-Siz ərəb olduğunuza görə mən sizinlə ərəb dilində danışdım, amma bilmədim ki, siz fars dilini biz fars dillilərdən daha yaxşı bilirsiz!
Həzrət dedi:
-Subhanəllah! Əgər mən sənin cavabını sənin öz dilində verə bilməyəcəmsə, necə imamlıq mənsəbinə mən səndən daha layiq ola bilərəm?!
Sonra dedi:” Əbu muhəmmə, İmam o şəxsdir ki, yer kürəsinin bütün xalqlarının, quşlarının və hər bir canlının dilini bilsin.”