Peyğəmbərimizə ilk öncə Qurani-kərimin hansı ayəsi və ya surəsi nazil olub?

Həzrət Mühəmməd Peyğəmbərə (s) ilk dəfə Ələq surəsinin (96-cı surə) başlanğıcındakı 5 ayə nazil olmuşdur: "Yoxdan yaradan Rəbbinin adı ilə oxu! O, insanı laxtalanmış qandan yaratdı. Oxu! Sənin Rəbbin ən böyük kərəm sahibidir! O Rəbbin ki, qələmlə (yazmağı) öyrətdi. İnsana bilmədiklərini öyrətdi”. Bəzən ilk vəhyin "Oxu” kəlməsi ilə başlanmasını İslam dininin elm və biliyə mühüm əhəmiyyət verməsi ilə izah edirlər.