Cənabətli adamın Qurandan 7-dən artıq ayə oxuması, Quranı ələ alması, Quranın cildinə və vərəqinə toxunması məkruhdur. (Qeyd edək ki, Quranın yazısına toxunmaq cənabətli adama haramdır. Sətirlərin arasına və yazısız yerlərə toxunmaq məkruh sayılır). Cənabətli halda saça və saqqala həna (xına) və rəng yaxmaq da bəyənilmir. Cənabətli adamın qüsl almadan yeyib-içməsi və yatması da məkruhdur, amma bu məkruhluğu dəstəmaz və ya təyəmmümlə aradan qaldıra bilər. Hətta yeməkdən və yatmazdan əvvəl əllərini yusa da, məkruhluq götürülər.