"Təvəkkül" "Vəkil" sözündən gəlir. Allahın gözəl adlarından biridir. 
Vəkil - hər şeyi görən, hər şeydən xəbərdar olan, hər şeyi idarə edən, hər şeyi nəzarət altında saxlayan, yaratdığı bütün məxluqatın ruzisini və idarəsini öz üzərində götürmüş Allah mənasına gəlir.

İnsanın Allaha təvəkkül etməsi o deməkdir ki, bir şeyə nail olmaq üçün boynuna düşən bütün vəzifələri yerinə yetirirsən və sonra nəticəni Allaha həvalə edirsən.

Təvəkkül məsələsində ən mühüm məsələlərindən biri də Allaha etibar etməkdir, həm də lap işin başından. Əslində Allaha əmanət etməyən insan ya imansızdır, ya cahil. Yəni, sən öz borcunu yerinə yetirəndə bütün ruhunla əmin olmalısan ki, Allah sənin heç bir zəhmətini boşa çıxarmayacaq. Bəndə əmin olmalıdır ki, Allah onun üçün nəyin xeyir, nəyin zərər olduğunu onun özündən daha yaxşı bilir və ən yaxşısı da Allahın təqdir etdiyidir.
Təvəkkül düşüncəsi əslində insanın formalaşmasında çox böyük rol oynayan amillərdəndir.
Təvəkkül - Allaha etibar etməkdir. onun mərhəməti altına girməyəcan atmaqdır.
Qurani-Kərim də, Peyğəmbərimiz də (s.ə.s) müsəlmanlara təvəkkül ruhu aşılayırlar.

Allah bizə layiq olduğu kimi təvəkkül etmək və edə bilmə dərəcəsi versin!!!
Amin!!!