Söz yarası

Müəllif: Efsuw2016
Şərhlər: 5
Baxılıb: 409
Paylaş:
Səs ver:
(səs: 0)
Atalar sözüdür: "Qılınc yarası sağalar, amma dil yarası sağalmaz". Həm İslam Peyğəmbərindən (s), həm də Həzrət Əlidən (ə) rəvayət edilən hədisdə buyurulur: "Dil yarası qılınc yarasından daha ağırdır".
Həqiqətən, dil insanı həm ən şərəfli hünərlərə aparmağa, həm də ən alçaq cinayətlərə sürükləməyə qadirdir. Düz deyiblər ki, "söz var dağa qaldırar, söz də var dağdan endirər". Dillə Quran oxunar, xeyir-dua edilər, zikr deyilər, elm öyrədilər. Bunun sayəsində könüllər nurlanar, evlər abad olar, savab qazanılar. Amma eyni zamanda dillə qeybət edilər, söyüş söyülər, yalan danışılar, iftira atılar. Bununla qəlblər qırılar, evlər dağılar, qanlar tökülər, insanlar cəhənnəm alovuna yem olar. İmam Əli (ə) dilin bu kimi fəsadlarını nəzərdə tutaraq, müsəlmanlara nəsihət verirdi: "Nə çoxdur elə kəlmələr ki, nemətin qarşısını kəsib. Pulunuzu kisənin içində saxladığınız kimi, dilinizi də ağzınızın içində kilidləyin".

Bəzən Şeytanın əlində dilimizin zəhərli ilana döndüyünün fərqinə varmırıq, "bir sözlə nə olacaq ki" düşüncəsi ilə ətrafımızdakı adamları incidirik. Dərk etmirik ki, ehtiyatsız bir sözlə, yanlış bir ifadə ilə həm Kəbəni dağıtmaq qədər böyük günah edib qəlb sındırır, həm insanların gözündə damla-damla qazandığımız etibarı itirir, həm də ətrafımızdakı məsum mələkləri utandırıb özümüzdən qovuruq. Sındırdığımız qəlbi yenidən ələ almaq çətin olsa da, mümkündür. Amma o qəlbdə açdığımız yaranı tam sağaltmaq baş tutası iş deyil. İnsan zalım və cahil məxluqdur, yaxşını tez unudur, pisi yaddaşından silmir. Bir dəfə qırdığımız qəlb aynası xırda bir titrəyişlə yenidən çilik-çilik ola bilər, çünki onun üzərindəki çatları tam yamamaq olmur.

Deyirlər ki, bir cavan oğlan ətrafdakılarla kobud davranır, tez-tez söyüş söyürdü. Atası oğlunun bu xasiyyətini tərgizdirmək üçün onu yanına çağırır. Oğluna iri bir lövhə və bir qutu mismar verib deyir: "Oğlum, nə zaman dilindən günah çıxdısa, bu lövhəyə bir mismar vur. Hər günün sonunda mismarları say. Çalış ki, hər gün dünənkinə nisbətən daha az mismar vurasan".

Oğlan bu tapşırığa əməl edir. Birinci gün o qədər söyüş, yalan, iftira, qeybət danışır ki, axşam lövhədə 40-a yaxın mismar olduğunu sayır. Ertəsi gün dilinə qarşı bir qədər diqqətli olur. Axşam sayanda lövhəyə xeyli az mismar vurduğunu görür. Gün-gündən dediyi sözlərin üzərində nəzarəti gücləndirir. Gündə vurduğu mismarların sayı da get-gedə azalır. Nəhayət, elə bir gün gəlir ki, lövhəyə bircə dənə də olsa təzə mismar vurmur. Sevinə-sevinə atasının yanına gəlib vəziyyəti ona danışır.

Atası bu dəfə ona bir kəlbətin verib deyir: "Tapşırığın birinci hissəsini bitirdin, amma yeni mərhələyə keçməlisən. Gördüyün kimi, lövhənin üzərində yüzlərlə mismar var. Bu gündən qəzəbini boğmağa çalış. Nə zaman dilinlə günah etmək istəsən, iradənin gücü ilə bunun qarşısını al. Bu zaman mismarlardan birini qopar. Nə zaman lövhədə mismar qalmasa, mənə xəbər ver".

Oğlan o gündən öz nəfsi üzərində daha ciddi işləməyə başlayır. Dilinə yalan, ağzına söyüş gəldiyi an bu haldan xilas olmağa çalışır. Hər dəfə nəfsinə qalib gələndə kəlbətinlə lövhədən bir mismar qoparır. Günlər ötür. Nəhayət, oğlan lövhədəki son mismarı çıxarıb atasının yanına gəlir. Boş lövhəni göstərib, tapşırığı uğurla yerini yetirdiyini fəxrlə söyləyir.

Ata isə lövhənin üzərindəki mismar dəliklərini oğluna göstərib deyir: "Oğlum, bu dəliklərə diqqətlə bax. Sən mismarları çıxardın, amma onların izini yox edə bilmədin. Mismarların izi lövhənin köksündə əbədi qalacaq. Yaman söz də belədir. Kiminsə ürəyini qırıb təhqir edəndən sonra üzr istəyib barışa bilərsən. Amma acı sözün izini və xatirəsini həmişəlik silə bilməzsən. Ona görə də qəlb sındırıb, sonra üzr istəməkdənsə, hər sözü deməzdən və hər işi görməzdən əvvəl düşünüb-daşınmağın daha yaxşı olar".

loading...
(səs: 0)
Şərhlər: 5
Baxılıb: 409
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Offline
vipbetul
cox gozel yazilib insan qelbi qirmaq gunahdir
16 mart 2018 22:55
5
Of,If I stretch my hands,do you hold them in your hands,Sir?
Oh, do you look at my tearful eyes even once?
Offline
CANAN
Dil yarasi sagalar soz yarasi soz.Ama mene kim.ne dedi bos verirem.bele cox sa xeteime deyse aglayiram sora unuduram.kinli deyilem.kin saxlaya bilmirem.ama.herden deyirem kas mende kusulu qala bileydim kinli olardim.ama.ola bilmirrm
14 mart 2018 14:42
4
canan qizim sirin seker qizim.
Offline
Dan ulduzu
Menim qelbimi o qeder qiriblarki bugun men onlardanda qeddar oldum.dunen mene haqsiz yere deyilenleri bugun qaytariram az da olsa.tek bildiyim heyat o qeder cetindiki.
14 mart 2018 13:29
3
Offline
BARBI
Qelb qirib uzr istedin sonra barisdin yenede faydasi yoxdur.Qelb qirilsada inciklik aradan qalxsada o insanin icinde bir yara olaraq qalar
14 mart 2018 12:36
2
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !
Offline
Cema_Axodova
cox sevdim bu hekayeni.heqiqeten qelb qirmaq asandi ama berpasi cetin.menim bir xasiyyetim var insanlarin boyuk sehvini hemiwe baqiwlaram.cunki insanliq halidi mende boyuk sehv ede bilerem.ama mene qarwi balaca sehv etse o insani silerem.cunki heqiqeten deyer veren insan qelbi qirmaz bile-bile.
14 mart 2018 11:16
1
p.s

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Saytın hansı bölməsini xoşlayırsınız?

Qadınla.Com həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 

Qadın testləri