Nisa Surəsinin 1 ci ayəsi kəriməsində bu yaradılış, "O insandan yoldaşını bədənə gətirdi" tərcüməsindəki cümləsiylə ifadə edilər.

Məşhur təfsirlərdə bu ayə açıqlanarkən belə deyilər:

Cənabı Haqq, Həvvanı Hz. Adəmin sol qabırğa sümüyündən yaratdı. O sırada Hz. Adəmi yüngül bir yuxu tutdu. Bir müddət sonra oyandığında Hz. Həvvanı gördü. İlk anda çaşdı, sonra çox sevindi. Ürəyi dərhal ona istiləndi və aralarında bir ünsiyət və ülfət meydana gəldi.

Bu məsələ hədisi şəriflərdə açıqca bəyan edilir. Bu barədə rəvayət edilən iki hədisi şərifin tərcüməsi belədir: Əbu Hüreyrə (r.ə.) rəvayət edir. Rəsulu Əkrəm Əfəndimiz (a. s. m.) belə buyurmuşlar:

"Qadın qabırğa sümüyündən yaradılmışdır. O, məmnun olacağın bir tərzdə dümdüz davam edə bilməz. Əgər ondan faydalanmaq istəyirsənsə bu əyri halıyla birlikdə faydalanarsan. Tam arzuna görə düzəltməyə qalxsan onu qırarsan. Onun qırılması da boşanmasıdır."

Hz. Əbu Hüreyrənin başqa bir rəvayətində də Peyğəmbər Əfəndimiz (a. s. m.) belə buyurarlar: "Allaha və Axirət gününə iman edən, bir məsələyə şahid olduğu, gördüyü zaman ya xeyr danışsın və ya sussun."

Qadınlar haqqında yaxşılıq və xeyr tövsiyə edin. Çünki onlar qabırğa sümüyündən yaradılmışlar. Qabırğa sümüyünün ən əyri tərəfi də üst tərəfi, uc qisimidir. Əgər onu istiqamətləndirib düzəltməyə cəhd etsəniz, onu qırarsınız. Öz halında buraxsanız daim əyri qalar. Elə isə bir-birinizə, qadınlara yaxşı davranmağı tövsiyə edin"

Hədisi şərif, ilk qadın olması etibarilə Hz. Həvva nın, bu səbəbdən bütün qadın sinifinin həm maddi baxımdan yaradılışına, həm də xasiyyət, xarakter, təbiət, mizaç və bünyəsinə işarə etməkdədir.

Hz. Həvva ilk qadın idi. Cənabı Haqq onu bir hikmət əsəri olaraq Hz. Adəmin bir parçasından yaratmışdı. Daha sonrakı bütün qadın və kişilər bu iki insandan törəmiş, çoxalmışdır.

Gərək Hz. Adəmin yaradılışında, gərəksə daha sonra Həvva anamızın yaradılışında necə bir yaradılış qanunu, hansı hikmətə görə cərəyan etmişdir, bilməyirik. Bu, qüdrəti İlahiyyəni göstərməsi yanında, eyni zamanda insan yaradılışına atanı birinci dərəcədə, ananı da , ikinci dərəcədə göstərir.

Yəni uşağın təşəkkülünə səbəb olan sperma kişidən gəldiyindən, bu vəziyyətdə ata birinci dərəcədə rol oynamaqdadır. Almalılı mərhumun ifadəsiylə "Təlkihi edən kişi və alan qadın olmaq şərəfiylə kişi muqaddəm, qadının tali var."

Ayrıca ilk kişi olan Hz. Adəmin, ilk qadın olan Həvvanın yaradılışı tamamilə istisnası bir vəziyyətdir. Bu nöqtəni də əhəmiyyətlə ifadə etmək lazımdır.

Elm adamlarımızın ifadəsinə görə insanın hər hüceyrəsində, proqram əsasında, bütün orqanlarının xarakterləri mövcuddur.