Dua insanın Yaradandan yardım diləməsi, rəhmət və yaxşılıq istəməsidir. Dua insanın könüldən Allaha yönəlməsi, həm qəlbi, həm dili ilə istəklərini Ona təqdim etməsidir. İnsan hər zaman Allaha ehtiyajlıdır. Dua – qulun Yaradan qarşısında öz güjsüzlüyünü dərk edərək Onun hər şeyi əhatə edən rəhmətinə, mərhəmətinə olan ehtiyacını dilə gətirməsidir.
Allah Qurani-Kərimdə duanın faydaları və onun fəziləti barədə söhbət açmış, bəndələri dua etməyə çağırmışdır: «Bəndələrim Məni səndən soruşduqda söylə ki, Mən (onlara) çox yaxınam. Dua edib Məni çağıranın duasını qəbul edərəm. Gərək onlar da Mənim çağırışımı qəbul edib Mənə iman gətirsinlər, bununla da, ola bilsin ki, doğru yola yetişsinlər». («Bəqərə» surəsi, ayə 186).