– İslam dinini qəbul etməmişdən qabaq müsəlman qadınlarına baxışınız necə idi?

Leyla Hüseyn: Əgər doğrusunu desəm, biz müsəlmanlara qarşı nifrət hissi ilə böyümüşük. Ancaq mən həmişə hicablı qadınlara vurğun olmuşam. Onları çox pak və vüqarlı görərdim. Mənim fikrimcə, onların özlərinə məxsus gözəllikləri vardır. Mən 6 il əvvəl İslam dinini qəbul etmişəm. Yəhudilərin yaşadığı yerdə yaşayıram, ancaq kamil hicaba keçməyim çox çətin olmamışdır. Yalnız insanlar müsəlman qadınlarından daha çox yəhudi qadınlarına ehtiram göstərirlər.

– Məni ilk ilhamlandıran şey Quran idi. Mənim burada tapdığım bütün sübutlar onu göstərirdi ki, bu din – həqiqi dindir. Çünki bütün peyğəmbərlər İmaməti qəbul edirdilər ki, bu da mənim fikrimcə məntiqi idi. Yavaş-yavaş bu qənaətə gəldim ki, İslam dininin yalnız xarici deyil, daxili qüvvəsi də vardır. Daxildən onu hifz etmək lazımdır.

Ailəm belə fikirləşirdi ki, mən özümü hər şeydən məhrum edirəm. Çünki mən Fransada yaşayıram və orada kamil hicab geyinmək çətindir. Hicab geyəndə, ictimai həyatın bir çox tərəfindən məhrum olmuş olursan. Ona görə də ailəmə mənim ictimai həyatdan məhrum olmağım çətin gəlirdi. Onların nəzərincə mənim müsəlman olmağım vacib deyildir. Hicab geyinərək müsəlman olmağımı insanlara bildirməyim də lazım deyildir. Onlar belə fikirləşirdilər ki, mənim bu imanda olmağım kifayət etməli idi. Ancaq mənim üçün bu məsələ mühüm idi. Çünki Quranda və Peyğəmbərin (s) sünnətində hicabın əhəmiyyətinə xüsusi yer verilmişdir. Mən hazır deyildim ki, onu çıxaram.

Tanıdığım hicablı qadınların çoxu buna görə çox xoşhaldırlar. Çünki hicab onlar üçün bir iftixardır. Onlar özlərini bu geyim vasitəsilə başqalarından qoruyurlar. Əgər sizin imanınız zəif olsa, bu məsələyə diqqət etməyəcəksiniz və sizin üçün mühüm olmayacaqdır. Ancaq istəyəcəksiniz ki, başqalarının dediyi kimi yaşayasınız. Təkrar edirəm ki, öz üsul və əqidənizə qayıdın və dərk edin ki, niyə müsəlmansınız. Çünki İslam elə bir dindir ki, siz özünüzü tətbiq etməlisiniz. Bu elə bir din deyildir ki, valideyn vasitəsilə miras qalsın. Ona görə də İslam dininin gözəlliyini və hicabın faydasını və gözəlliyini dərk edin”.