Dostunu 3 şeylə imtahana çək

Müəllif: Menim balam
Şərhlər: 7
Baxılıb: 2 914
Səs ver:
(səs: 4)
İmam Sadiq (ə) buyurur: "Dostunuzu iki sifətlə imtahana çəkin. Əgər bu iki sifətə malik olsa, onunla dostluq et. Əks halda ondan uzaq ol. (Bu iki sifət bunlardır:) Namazı vaxtında qılması, qardaşlara çətin və xoş günlərdə yaxşılıq etməsi".

Dostluğu cəmiyyət ağacının qol və budaqlarına bənzətmək olar. "Allahın sizin barənizdə bir-birinizlə düşmən ikən qəlbləriniz arasında ülfət yaratdığı zamandakı nemətini xatırlayın ki, Onun neməti sayəsində bir-birinizlə qardaş oldunuz". ("Ali-İmran" 103).
Allah Quran ayələrində bizləri din qardaşlarımızla dost olmağa dəvət edir və buyurur ki, dostluq ruha şadlıq bəxş edir. İnsan çətinliyə düşən zaman dostun vastiəsilə onu aradan qaldıra bilir.
Həzrət Peyğəmbər (s) buyurur: "Baxın görün, kiminlə həmsöhbət olursunuz. O kəsin ki, ölümü gəlib çatar, Allah dərgahında dostları qarşısında mücəssəm olar. Əgər yaxşı insanlardan olsa, o da yaxşıların zümrəsində qərar tutar. Əgər pislərdəndirsə, o da pislərin zümrəsində qərar tutar".
Həzrət Peyğəmbər (s) buyurur: "Ey Əbuzər! Saleh dost tənhalıqdan daha yaxşıdır. Tənhalıq pis dostdan daha yaxşıdır".
İmam Sadiq (ə) buyurur: "Heç kəsi öz dostun adlandırma, məgər o halda ki, üç şeylə onu imtahana çəkərsən. Onu qəzəbləndirib görəsən ki, bu qəzəb onu haqdan batilə çəkirmi. Dirhəm və dinarla, onunla səfər edərək".
İmam Sadiq (ə) buyurur: "O kəs ki, üç dəfə sənə qəzəblənər və sənin haqqında pis söz deməz - onu öz dostun et".
İmam Baqir (ə) buyurur: "Ən pis dost o kəsdir ki, səni ehtiyacsız olan zaman qoruyar, yoxsul olan zaman boş buraxar".
Qurani-Kərim buyurur: "Ey iman gətirənlər, sizdən əvvəl (səmavi) kitab verilmiş kəslərdən və (digər) kafirlərdən sizin dininizi lağa qoyan və ələ salanları özünüzə dost və köməkçi tutmayın və əgər möminsinizsə, Allahdan qorxun". ("Maidə" 57).
(səs: 4)
Şərhlər: 7
Baxılıb: 2 914
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri