Cümə namazı qılmağın qaydaları

Müəllif: Narın Yağış
Şərhlər: 1
Baxılıb: 6 477
Səs ver:
(səs: 1)
Cümə namazının vaxtı
Cümə namazı günəş üfüqün ortasından keçdikdən sonra başlayır və əşyanın kölgəsi iki addıma çatana qədər davam edir.Cümə namazının xütbələri namazın vaxtı keçənə qədər uzanmamalıdır. Əks halda, zöhr namazı qılınmalıdır. Çünki cümə namazının vaxtı keçdikdən sonra qəzası qılınmır. Vaxt azlığı üzündən cümə namazı qılınmadıqda və ya təxirə salındıqda mütləq zöhr namazı qılınmalıdır.

Cümə namazı qılmağın qaydaları
Cümə namazı iki rükət qılınır. Yaxşı olar ki, "Həmd" ("Fatihə" surəsi) və surə uca səslə oxunsun. Daha yaxşı olar ki, birinci rükətdə "Həmd" surəsindən sonra cümə, ikinci rükətdə isə "Münafiqun" surəsi oxunsun.
Cümə namazında iki qunut tutulur. Onlardan biri birinci rükətdə rukudan əvvəl, digəri isə ikinci rükətdə rukudan sonra tutulur. Namazdan əvvəl iki vacib xütbə oxunur və bu xütbələr namazın özü qədər vacibdir.
Xütbələr yalnız imamın özü tərəfindən oxunur. Xütbələr oxunmadan cümə namazı gerçəkləşmir.
Hər iki xütbə Allaha həmd səna etmək (Allaha şükür etmək), Peyğəmbər (s.ə.s) və onun Əhli-beytinə salavat göndərmək və insanları təqvaya (günahdan çəkindirməyə) çağırışla başlayır. Sonra kiçik surələrdən biri oxunur. İmam təqvalı, fəsahətli (gözəl danışıq qabiliyyətinə malik olmalı), həmçinin dini elmlər və dünyəvi hadisələr barədə məlumatlı olmalıdır.İmam iki xütbə arasında bir qədər oturmalıdır. 
İmam xütbələri ayaq üstə və uca səslə oxumalıdır. Namazda iştirak edənlər namaz halında olduğu kimi, xütbəni dinlədikləri zaman da imama diqqətlə qulaq asmalı və üzlərini qiblədən yana qədər çevirməməlidirlər. 
İmam xütbələrində dini və dünyəvi məsələlər haqqında danışmalı və aidiyyəti olmayan mövzulara toxunmamalıdır. İlin fəslindən asılı olmayaraq imam əba geyinib əmmamə qoymalı və əlinə əsa almalıdır.
(səs: 1)
Şərhlər: 1
Baxılıb: 6 477
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri