Qadınlar niyə amansızlıqla qətlə yetirilir?

Müəllif: Diablo
Şərhlər: 3
Baxılıb: 1254
Səs ver:
(səs: 0)
Son günlərdə ölkəmizdə qadınların qətlə yetirilməsi hallarına daha çox rast gəlməyə başlamışıq. Belə vəziyyətin yaranmasının məyusluğu fonunda bunun səbəbləri də hamını düşündürür.
Qadınların belə amansızlıqla qətlə yetirilməsinin səbəbi nədir? İnsanları bu qədər qəddarlığa sövq edən nədir?

Nikahdan əvvəl aparılan yoxlamalar içərisində psixoloji müayinələr yoxdur, yoxsa insanlar bu məqama səhlənkar yanaşır?

Mövzu ilə bağlı danışan psixoloq Xudaverdi Məmmədov deyir ki, psixatrik və kəskin psixoloji problemləri olan insanların ailə həyatı qurması doğru deyil.

Onun sözlərinə görə, nikahdan əvvəl cütlüklərin tibbi müayinədən keçməsi ilə bağlı qərar təqdirəlayiq olsa da, müəyyən boşluqlar var:

“Bu qanun alqışalayiqdir. Amma təəssüf ki, qanunda psixoloji və psixatrik müayinələrlə bağlı bir qədər boşluqlar var. Nikaha girən cütlüklər üçün fiziki sağlamlıqla bərabər, psixoloji sağlamlıq da önəmlidir.

Heç kim ətrafdakı insanın hansı psixoloji durumda olduğunu bilə bilməz. Sürücülük vəsiqəsi, işə qəbul zamanı psixoloji durumla bağlı sağlamlıq kağızı tələb edilir, bu məqamda da bu nüansa diqqət yetirilməlidir. Zənnimcə, nikaha girən insanların da bu istiqamətdə səhlənkarlıqları olur. Bunun nəticəsidir ki, ailə münaqişəsi zəminində baş verən hər hansı problemin yükünü daşıya bilməyən tərəf cinayət törədir. Digər tərəf isə bu cinayətin qurbanı olur”.

Psixoloq qadınların, qızların amansızca qətlə yetirilməsini mentalitetlə əlaqələndirir:

“Təəssüf ki, bizim cəmiyyətdə mental düşüncələri dəyişmək çətindir. İnsanlar bəzən sorğu-sual etmədən baş verən hadisədə qadını günahkar bilirlər. Əgər bir qadının, qızın başına hər hansı bədbəxt hadisə gəlirsə, hər kəs düşünür ki, buna səbəb olacaq şərait yaradıb.

Qətl psxioloji cəhətdən zəif insanlar tərəfindən törədilir, xüsusi amansızlıqla törədilən cinayətlərdə isə insanların öz həyatlarında yaşadıqları travmatik məqamların təsiri böyükdür”.
(səs: 0)
Şərhlər: 3
Baxılıb: 1254
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri