Almaniyalı tibb alimlərinin apardıqları araşdırmalara əsasən, qadınlar sakit şəkildə fəaliyyət göstərsələr və ya işləsələr, daha yüksəksəviyyəli intellekt nümayiş etdirə bilərlər. Beyinin funksiyaları və ətraf mühit arasındakı əlaqəni araşdırmaq üçün Şeffild universitetinin alimləri müəyyən araşdırmalar aparıblar. Araşdırmalar zamanı məlum olub ki, ağıllı hərəkətin səviyyəsi ətraf mühit gərgin olduğu zaman aşağı düşür. Təcrübəyə qatılanların bir qrupuna dəniz sahilləri, mənzərələr əks olunan fotolar təqdim edilib. Digərlərinə verilən fotolarda isə avtoqəzalar əksini tapıb. Eyni anda könüllülər həm dəniz, həm də yol səsini dinləyiblər. Məlum olub ki, mənzərə şəkillərinə baxmaq və dəniz səsini eşitmək beyinin müxtəlif hissələrinin fəaliyyətini aktivləşdirir. Digər qrupda isə beyinin funksiyaları arasındakı əlaqə tamamilə pozulub.