Kompüter qadınları qocalmasına səbəb olur
Kompüter qarşısında daha çox vaxt keçirən xanımlar digərlərilə müqayisədə daha tez qocalır.
vrach.tv saytının verdiyi məlumata görə, ingilis həkim-kosmetoloq Maykl Preyqer onun müştəriləri arasında vaxtından əvvəl qocalmanın məhz kompüterdə daha çox işləyən xanımlar arasında müşahidə olunduğunu söyləyib.
Artıq bu problem o qədər ciddiləşib ki, tibb işçiləri buna yeni ad də tapıblar: "kompüter siması". Belə insanlarda gözlərin altında şişlər, sifətdə qırışlar, boyun dərisinin sallanmansı hallarına rast gəlinir. Kompüter qarşısında çox əyləşən xanımlarda başın daim aşağı tərəfə əyilməsi boyunda dərin qırışlara da səbəb olur.

Həkimlər xanımlara işlədikləri kompüterin yanına güzgü qoymağı, bununla da daim öz mimikasına nəzarət etməyi məsləhət bilir. Eyni zamanda hər 30 dəqiqədən bir üz əzələlərinin gimnastikası və boyunun massajı da məsləhətdir