Mən bir qız istəyirəm...

Müəllif: NoName
Şərhlər:
Baxılıb: 3584
Paylaş:
Səs ver:
(səs: 1)
alt

Mən bir qız istəyirəm,

Gəlişini duyanda sevincim min qat olsun,

“Qızım olacaq” deyim, dünya duysun.

İçimdə qızıım sevinsin

Qorxmasın, ürkməsin.

Gəlişindən sevindiyimi bilsin.

Sevildiyini anlasın...

Qaçaraq gedim həkimə,

Qızımı göstərsin deyə


Mən bir qız istəyirəm.

Gözəl qonur gözləri, qıvrım-qıvrım saçları olsun.

Kiçik, totuq əlləri ilə yolsun, yolsun saçlarımı.

Hər gün bəzəyim onu, saçlarından asım rəngbərəng lentləri.

Əlindən tutub gəzim şəhəri,

Görənlər “bəxtəvər!” desin

“Nə gözəl, nə gözəl qızın var” desin.

Qürurlanım, qürrələnim, sevinim

“Nə gözəl qızım var” deyim!

 


 

Mən bir qız istəyirəm

Qızların sevilmədiyi ölkədə

Qız olmasından bezməsin

Sinəsini irəli versin

Var gücü ilə söyləsin:

“Mən qadınam, duysun aləm,

Qadınların sevilmədiyi yerdə

Qadınların səsiyəm!”


Mən bir qız istəyirəm,

Qızım var deyə meydan oxuyum hər kəsə

Utandırmasın məni.

Kişlərdən daha cəsarətli,

Daha mərd olsun.

Amma...

Qadın kimi qadın olsun!


Mən bir qız istəyirəm

Varlığını hiss etdirsin

Mənə arxa olsun, dayaq olsun.

Mən bir qız istəyirəm,

Yüz illərin gəlmiş-keçmiş

Adətini heç etsin

“Oğlum var” deyənlərə

Dərin-dərin

Köks ötdürsün.


Mən bir qız istəyirəm,

Gözəlliyi dastan olsun,

Onun üçün oğul anaları

Qapımda növbə qursun

Söz istəsin, söz alsın,

Dönə-dönə təkrarlasın

 “Qızın oğlumun olsun!! “


Mən bir qız istəyirəm,

Oğlanı qızdan üstün qılan

Bu toplumun acığına.

Mən bir qız istəyirəm

Qız olduğuna görə

Övladını qətl etdirən

Anaların, ataların acığına!

 

Lalə Mehralıya xüsusi təşəkkürlər...

 


loading...
(səs: 1)
Şərhlər:
Baxılıb: 3584
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Saytın hansı bölməsini xoşlayırsınız?

Qadınla.Com həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 

Qadın testləri

Aylıq arxiv