ABŞ-da aparılmış bir araşdırmanın çox maraqlı nəticələri var. Sən demə, çağdaş kişilərin arasında romantik filmlərlə teleseriallara baxanda göz yaşlarını saxlaya bilməyib kövrələn, sevgilisinə sarılıb ağlayanlar az deyil.
Qadınlar da kişilərin belə davranışını çox sevirlər.
Milli.Az CNBS-yə istinadən bildirir ki, "Häagen-Dazs” şirkətinin sifarişi ilə keçirilmiş sorğuya qatılan kişilərin çoxu hamam otağında olarkən sabunu köpükləndirməkdən xorşlandıqlarını, bir də kövrələrkən ağladıqlarını etiraf ediblər.
Sorğuda iştirak etmiş 1000 qadının 77 faizi isə maço davranışdan metrointimuallığa keçid edən kişilərin belə hərəkətlərini çox bəyəndiklərini deyiblər.
"Müasir kişilərdə artıq əvvəlki kişilərdə olan qabalıq və sərtlik səviyyəsi yoxdur. İndiki kişilərin çoxu duyğulananda ağlayır, hisslərini gizlətmirlər. Qadınlar da yumşaq, hisslərini gizlətməyən kişiləri sevirlər", - ekspert Ed Qalf deyib.