Gün ərzində bitməyən stress və yaşadığımız gərginliklər... Bunlar bir qədər sonra bizim davamlı olaraq hər şeydən şikayət etməyimizə səbəb olur. Gün ərzində davamlı olaraq oradan-buraya qaçan bədənimiz axşamlar eyni tempdə davam edə bilmir. Bir müddət sonra iflasa uğrayır. Çox hərəkətli iş günündən sonra kim axşam 1 saat məşq edir? Axşamımızı faydalı işlərlə keçirmək yerinə nə edirik? Televiziyanın pultunu əlimizə alıb saatlarla o serial sənin, bu film mənim, tənbəl-tənbəl oturub axşamımızı öldürürük. 

2. MARAQ 

Sevgilimizə, həyat yoldaşımıza soruşduğumuz sualların heç bir zaman ardı-arası kəsilməz. Hər zaman onlarla əlaqədar olan daha çox şey öyrənmək və bizimlə əlaqədar nə düşündüklərini bilmək istəyirik. Hansımız ən yaxın yoldaşımızın və ya sevgilimizin gündəliyini qarışdırmadıq ki? Və ya onun e-poçt qutusuna girib maillərini oxumadıq ki? Əgər bunları etməsəydik, bizə hazırlanan sürpriz ad günü qonaqlıqlarını və ya həyat yoldaşlarımızın bizim haqqımızdakı gerçək düşüncələrini necə öyrənə bilərdik ki? 

3. ACGÖZLÜK 

Hər zaman daha çox və daha ləziz yeməklər istəyirik. Əgər şirniyyatdan söhbət gedərsə, əsla xeyr deyə bilmərik. Bir dilim şokoladlı tort bütün cazibəsiylə qarşımızda dayanarkən və bizə "məni yesən, daha enerji dolu və cazibədar olacaqsan" deyə qışqırarkən bizim onu rədd etməyimiz mümkündürmü? İstədiyimiz qədər tox olaq… Bu sözləri xatırlayaq: "İnsan yemək yeməmişsə, yaxşı düşünə bilməz, sevişə bilməz, yata bilməz”. 

4. QÜRUR 

Təbii ki, hamımız qiymətliyik. Bu səbəbdən də qürurluyuq! Amma qürurumuzu təmin etmək üçün ifrata varmaq olmaz! Unutmayın, özünüzü nə qədər çox sevsəniz, xarici dünyaya da eyni ölçüdə özünüzü təqdim edərsiniz. Başqalarını sevmədən əvvəl özünüzü sevməlisiniz ki, başqaları da sizi sevsin… 

5. DEDİ-QODU 

Dedi-qodu etmək özümüzü çox yaxşı hiss etməmizə səbəb olur. Hər zaman danışacaq bir şey tapırıq. Başqalarını çəkişdirmək bizi xoşbəxt edir. "Mən dedi-qodu etməyi sevmirəm" deyən insanların belə əslində dedi-qodu etdiyini və böyük bir həzz aldığını da görürük. Dedi-qodunu kiminlə etdiyinizə diqqət yetirməlisiniz. Unutmayın, yerin də qulağı var! Sizə tövsiyəmiz - əsla bir-biriylə səmimi olan iki adamdan biriylə digərini çəkişdirməyin. Bir gün sonra hər ikisi də sizə düşmən ola bilər. 

6. ALIŞ VERİŞ 

Canınız çox sıxıldığı zaman, kefiniz olmayanda nə edərsiniz? Alver, deyilmi? Hansımız "Birini alana biri pulsuz” kampaniyalarından heç geyməyəcəyimiz bir geyim almadıq ki? Və ya 50 % endirim kampaniyalarına aldanaraq, 50 % qənaət etdiyimizi düşünərək nələr-nələr almadıq ki! Yeni paltar satın almanın bizi daha xoşbəxt etdiyi mübahisəsiz bir gerçəkdir! Hətta müalicəyə getmənizə belə ehtiyac yoxdur. Dərdlərinizdən xilas olmanız üçün alverə çıxmanız kifayətdir! Alverə çıxdığınız zaman yalnız endirim olduğu üçün məhsul almayın. "İşinizə  yarayarmı” deyə düşünün. Sonra qərarınızı verin! 

7. QISQANCLIQ 

Qısqanclıq hər insanın təbiətində var. Az və ya çox… Məsələn, sevgiliniz həm yaraşıqlı, həm intimual, həm də əyləncəlidirsə, onu qısqanmamaq mümkün olarmı? Təbii ki xeyr! Onu boğmayacaq şəkildə yüngül qısqanclığa - bəli. Ancaq onun sizdən nifrət etməsinə səbəb olacaq davranışlara - xeyr! Əvvəlcə qısqanc olduğunuzu qəbul edin. O duyğularla yaşayarkən, qısqanclığınızı rədd etməniz sizə heç bir şey qazandırmayacaq. Məsələn, sevgilinizə belə bir cümlə qura bilərsiniz: "Sevgilim, mənim qısqanc olduğumu sən də bilirsən. O qızın sənin ətrafında dolaşaraq sənə pərəstiş etməsindən narahat oluram." Bütün gecəni mədə ağrılarıyla keçirməkdənsə, sevgilinizlə açıq danışmağın faydalı olacağını düşünürük.