Tərkibi (10 pay):
1 kq toyuq filesi
400 q boranı
300 q şampinyon
1 iri baş soğan
200 ml xama
1 x.q. limon şirəsi
duz
istiot

Hazırlanması:
Boranını tərəfi 1-1,5 sm olan kubiklərə doğrayın.
Şampinyonları dörd bölün.
Soğanı xırda doğrayın.
Fileni quşbaşı doğrayın. İti odda bitki yağında 3 dəqiqə qızardın. Çıxarıb boşqaba yığın.
Həmin tavada soğanı 2-3 dəqiqə qovurun.
Göbələklə boranını əlavə edib qarışdıraraq 10 dəqiqə qovurun.
Limon şirəsi, toyuq əti və xamanı əlavə edin. Duz-istiot qatın.
Qaynara düşəndən sonra tavanın qapağını qoyub vam odda 10-15 dəqiqə, boranı yumşalanadək bişirin.
Süfrəyə verərkən üzərinə xırda doğranmış şüyüd səpin.

Nuş olsun!