Bu məsələdə şəriətin xüsusi qadağanı yoxdur. Yəni qaş aldırmaq məsələsində ailəli qadınla subay qız arasında dini baxımdan fərq yoxdur. Onların hər ikisi harama yol açmamaq şərti ilə bunu edə bilərlər. Harama yol açmamaq deyərkən, qaş aldırmaqla özünü naməhrəm kişilərə cazibədar göstərmək və onların diqqətini özünə çəkmək nəzərdə tutulur. Lakin dinimiz bu kimi məsələlərdə milli adət-ənənəyə də riayət etməyi məsləhət bilir. Xalq içində subay qızın qaşını aldırması mənfi hal sayılır. Ona görə də bu iş sırf dini cəhətdən haram olmasa da, camaatın nəzərində mənfi qarşılandığı üçün məsləhət deyil.