Fyodor Mixayloviç Dostoyevski (1821-1881) dünya ədəbiyyatına böyük təsir göstərən dahi qələm ustalarındandır.
Əgər o, 1849-cu ildə hökumətə qarşı sui-qəsddə iştirakına görə edam edilsəydi, yaxud katorqada dünyasını dəyişsəydi, söz sənəti nələr itirərdi.
Şübhəsiz, "Alçaldılmış və təhqir olunmuş insanlar"(1861), "Cinayət və cəza"(1866), "İdiot"(1868), "Şeytanlar"(1870), "Karamazov qardaşları" (1876) romanları olmadan rus ədəbiyyatı, eləcə də dünya söz sənəti indiki qədər dolğun görünməzdi.
"Cinayət və cəza" romanı F.Dostoyevskinin yaxşı tanıdığı cəmiyyətin bitkin psixoloji portretidir. Yazıçı əsərdə günah və cəzaya dini-fəlsəfi məna verir.
"Dünyada hüquqi cəzadan da ağır cəza var ki, bu da mənəvi işgəncələrdir" - "Cinayət və cəza" romanının fəlsəfi yüküdür.