CƏMİL HƏSƏNLİ
professor
Mənbə: "Məşvərət", N5-7, 1997
Zəmanəmizin tanınmış siyasi və
dövlət xadimi, nüfuzlu hüquqşünası olmaqla bərabər, Ə.Topçubaşov
Azərbaycanın milli azadlıq hərəkatının liderlərindən olmuş, bütün Rusiya
müsəlman türklərinin tarixində və taleyində misilsiz rol oynamışdır.
M.Rəsulzadənin sözləri ilə
desək Ə.Topçubaşov əzünün dünyagörüşü və siyasi konsepsiyasında
Azərbaycan xalqının, Rusiyanın bütün türk və əzilən xalqlarının
müstəqillik uğrunda mübarizəsi, islam siyasi fəlsəfəsinin ölməz
ideyaları kimi müxtəlif yənəlmiş düşüncələri və dünya demokratiyasının
bütün dəyərli təcrübələrini sintez etməyi bacarmışdır.
"İttifaqül-müslimin" müsəlman
partiyasının sədri, birinci Dövlət Dumasında demokratik yeniləşmələr
uğrunda mübariz Ə.Topçubaşov siyasi tarixə (özü də təkcə
Azərbaycanınkına yox) elə beləcə də daxil olmuşdur.
Onun həyat şüarı məşhur gürcü
şairi A.Seretelinin dəfnində səylədiyi bu aforizmdə ifadə olunub: "Yaşa
və başqalarını da yaşamağa qoy".Bu prinsipə - cəmiyyətdə barışıq,
millətçilik və demokratiyaın təntənəsi naminə bütün qabaqcıl qüvvələrin
birləşdirilməsi prinsipinə çarizmlə çarpışma illərində də, gənc milli
dövlətin quruculuğunun xoşbəxt aylarında da, mühacirətin ağır illərində
də sadiq qalmışdır.
Mayın 4-də Topçubaşovun
doğumunun 130 illiyi tamam oldu, 28-ində isə onun yetirməsinin
ildönümünü bayram edirik.Ancaq biz bu kərkəmli yurddaşımıza yalnız
yubileylərdən-yubileyə, hadisədən-hadisəyə üz tutmuruq. Onun həyatı
özünü millətin qulluqçusu adlandırmaq iddiasında olanların hamısı üçün
bir dərsdir.
O, 1862-ci il mayın 4-də
Tiflisdə doğulmuş, ilk təhsili orada almış və 1880-cı illərin sonunda
isə Peterburq universitetinin hüquq fakültəsini bitirmişdir. 1894-cü
ildə Bakıya gəlmiş və "Kaspi"qəzetinə rəhbərlik etmişdir. Əlimərdan bəy
1905-ci ildə mətbuat tariximizdə xüsusi yeri olan "Həyat" qəzetinin
nəşrinə icazə almış, imtiyaz sahibi kimi bu qəzetin idarəçiliyini milli
fikir tariximizin inkişafına təkan verən Əli bəy Hüseynzadə və Əhməd bəy
Ağaoğluna tapşırmışdır.
O, 1905-1906-cı illərdə
Peterburqda, Moskvada, Nijni Novqorodda keçirilən ilk müsəlman
qurultayının təşkilatçısı və rəhbəri olmuşdur. Əlimərdan bəy bütün
Rusiya müsəlmanlarının lideri olaraq 1906-cı ildə yaranmış "Rusiya
Müsəlmanları İttifaqı Partiyası"nın sədri seçilmişdir. O, Azərbaycanın
ilk "millət vəkili" idi. Birinci Dövlət Dumasının deputatı kimi bütün
Qafqaz müsəlmanlarının, Rusiya türklərinin hüquqlarını müdafiə edirdi.
Siyasi və ictimai xadim olaraq Rusiyanın Birinci Dövlət Dumasında
müsəlman fraksiyasının lideri idi. Dövlət Dumasının qeyri-rus
vəkillərinin yaratdığı Muxtariyyətçilər Birliyinin əsas təşəbbüsçüsü
kimi Ə.Topçubaşov bu birliyin iki sədrdaşından biri idi.
Birinci Dövlət Duması
buraxıldıqdan sonra rus hökumətinə müxalif olaraq Vıborq Bəyannaməsini
imzaladığına görə o, üç ay həbsə alınmış və siyasi hüquqlarından məhrum
edilmişdi. 1917-ci ildə Qafqaz və Rusiya müsəlmanlarının qurultayı
Ə.Topçubaşovun sədrliyi altında keçmişdir. O, 1917-1918-ci illərdə Milli
Azərbaycan Komitəsinə başçılıq etmiş, Gəncə dairəsindən Rusiya Məclisi
müəssisanına nümayəndə seçilmişdir.
Azərbaycan istiqlalının
elanından sonra ilk təşkil edilən hökumətin üzvü olmuş, 1918-ci ilin
avqustunda fövqəladə və səlahiyyətli səfir kimi İstanbul diplomatik
missiyasına rəhbərlik etmişdir. 1918-ci il dekabr ayının 7-də açılan ilk
Azərbaycan parlamentində əzünün iştirakı olmadan sədr seçilmiş, eyni
zamanda Paris barış konfransına göndərilən Azərbaycan sülh heyətinin
başçısı təyin edilmişdir. 1920-ci ilin yanvar ayında Azərbaycanın
müstəpşliyinin Versal Ali Şurası tərəfindən tanınmasında müstəsna
xidmətləri olmuşdur. San-Remo, London, Stremo, Spa konfranslarında
iştirakçı kimi Azərbaycanın haqlarını müdafiə etmişdir. 1920-ci ilin
noyabrında Cenevrədə Millətlər Cəmiyyəti qarşısında Azərbaycanın Rusiya
təcavüzünə məruz qaldığını elan etmiş, 1922-ci ildə London və Genuya,
1923-cü ildə Lozanna konfranslarında iştirak etmiş və bolşeviklərin
Azərbaycanda törətdiyi faciələr haqqında dünya ictimaiyyətinə məlumat
vermişdir.
Mühacirətdə olduqu illərdə o,
Azərbaycan istiqlal mücadiləsini dayandırmayıb, 1934-cü ildə Milli
Azərbaycan Mərkəzinin üzvü kimi bu mərkəzin sədri M.Rəsulzadə ilə
birlikdə Qafqaz Konfederasiyasının paktını imzalamışdır.
Milli azadlıq hərəkatında
böyük mübarizə yolu keçmiş Ə.Topçubaşov 5 noyabr 1934-cü ildə Parisin
Sen-Deni rayonunda vəfat etmiş və noyabrın 8-də St.Kloud məzarlığında
dəfn olunmuşdur.
Aşağıdaxı sətirlər Əlimərdan
bəyin 8 noyabr 1934-cü ildə qərib Fransa torpağındakı dəfni
haqqında "Qurtuluş" jurnalının həmin ilin dekabrında dərc edilmiş
hesabatdan götürülüb. O dövrün müxtəlif siyasi partiya xadimlərinin
Topçubaşov şəxsiyyətinə verdiyi yüksək qiymətlər hər birimiz üçün dərs
olmalıdır.
M.Rəsulzadə - Azərbaycan
Milli Mərkəzinin (Azərbaycan siyasi mühacirətinin mərkəzi təşkilatının)
sədri: "Şübhəsizdir ki, Əlimərdan bəy Topçubaşov inkişafı uğrunda Mirzə
Fətəlinin, Həsən bəyin və İsmayıl Mirzənin milli-azadlıq mübarizəsi
səviyyəsinədək mücadilə apardıqları milli-mədəni hərəkatın nəhənk
mübarizidir. Vaxt gələr, vətən azad olar və onda azad millət ilk
parlamentin sədrini anar, istədiyin vətənə səni və oğlunu götürər və
sənin xatirəni əbədiləşdirər".
Akaki Çenkeli - Gürcüstanın
Parisdəki keçmiş səfiri və mühacir gürcü təşkilatlarının
təmsilçisi: "Bizi (gürcüləri və Azərbaycan türklərini -red.) birləşdirən
qarşılıqlı dostluq Topçubaşovun Gürcüstana bəslədiyi böyük məhəbbətə
əsaslanır".
Vyaçeslav Prokopoviç -
mühacirətdəki Ukrayna parlamenti nümayəndə heyətinin təmsilçisi: "O
ölüb, ancaq onun başlıca ideyası - Vətəninin müstəqilliyi və bütün
qonşularla, o sıradan Ukrayna ilə də dostcasına birgəyaşayış ideyası
yaşayacaq".
Tausultan Şahmən -
mühacirətdəki Quzey Qafqaz Xalq Partiyasının təmsilçisi: "Əlimərdan
bəyin butün həyatı öz millətinin tərəqqisi uqrunda mübarizəyə həsr
olunub. Onun bütün Qafqaz xalqlarının sıx birləşməsi yolunda fəaliyyəti
Qafqaz tarixində layiqli yerini tutacaq".
Mustafa Çokay oğlu -
Türküstan Milli İttifaqının təmsilçisi:"Əlimərdan bəyin adı rus əsarəti
altındakı türk xalqlarının siyasi və ictimai hərəkatı ilə qırılmaz
şəkildə bağlıdır. Biz -Türküstan türkləri Əlimərdan bəyi azman türk
xadimi kimi sevəcəyik".
Şamba Balinov - qazax və
kalmık milli mühacirətinin təmsilçisi: "Öz vətəninin işğalından sonra
mühacirətdə yaşayaraq o, ilgin idealları uğrunda çarpışmaya ara vermədi -
öz vətəninin və başqa millətlərin azadlığı uğrunda sonadək mübarizə
apardı".