Həyatı Allahverdi Əbdül oğlu Məmmədli 1947-ci ildə Lerik rayonunun Yuxarı Anburdərə kəndində anadan olmuşdur. O, 1975-ci ildə Bakı Dövlət Universitetinin jurnalistika fakültəsini bitirmişdir.
1978-ci ildə Azərbaycan Yazıçılar Birliyinə işə dəvət olunmuş, 1988-ci ildə Azərbaycan Yazıçılar Birliyinin üzvlüyünə qəbul olunmuşdur. Uzun illər “Ulduz” jurnalı ilə əməkdaşlıq edən Allahverdi Məmmədli ömrünün son illərində jurnalda məsul katib kimi fəaliyyət göstərirdi.
“Ürəyimdə açan çiçək”, “Haçandır görüşmürük”, “Bizi ayrılıq gözləyir” şeirlər və poemalar, “Mərdlərə körpü oldum” povest-şəhadətnamə kitablarının müəllifidir. Əsərləri rus, ukrayna, gürcü, moldav, tuva, bolqar, türk və başqa dillərə tərcümə edilmişdir.