Ləkəli dərilər üçün:
2 ədəd xiyarı soyub rəndələyin, daha sonra 1 yemək qaşığı qatığı xiyarla qarışdırın. 15 dəqiqə üzünüzdə saxladıqdan sonra ilıq suyla yuyun. Ardından nəmləndirici krem sürtün. Həftədə 2 dəfə tətbiq edə bilərsiniz.
Dəri rəngini açmaq üçün:
1 ədəd xiyarı rəndələdikdən sonra üzərinə 1 ədəd yumurta sarısını, 2 çay qaşığı susam yağı, 2 çay qaşığı alma sirkəsini əlavə edib qarışdırın. Üzünüzdə 30 dəqiqə saxladıqdan sonra ilıq suyla təmizləyə bilərsiniz.
Yağlı dərilər üçün:
2 çay qaşığı xiyar suyu, 1 ədəd yumurta ağı, 2 damcı limon, yarım çay qaşığı gili bir qabda qarışdırın. Dərinizə sürtün. Göz və ətrafına dəyməsin. Həftədə 2 dəfə tətbiq edin.
Qırışlar üçün:
Bir kasa içində 1 ədəd xiyarı soyduqdan sonra əzin, içərisinə 1 ya 2 xörək qaşığı süd əlavə edib bir az da əzin. Qatı hala gəldikdən sonra dərinizə sürtün. 15-20 dəqiqə saxladıqdan sonra ilıq suyla yuyun.