Süfrələrimizdən
əksik olmayan cəfəri əslində dərimiz üçün də çox faydalıdır. Bunun
üçün müxtəlif maskalar, detoks içkiləri var ki, dəriyə çox yaxşı təsir
edir. Biz də sizin üçün cəfəridən dərinizə faydalı olacaq maska resepti
təqdim edirik. Xüsusilə də, qış aylarında dəri quruluğundan şikayət
edənlər üçün bu maska "göydəndüşmə”dir.
Lazım olanlar
Cəfəri – 2 ovuc
Süzülmüş su – 1 fincan
Bal – 1 x.q.
Yumurta sarısı – 1 ədəd
Hazırlanması
Cəfərini
suda 15 dəqiqə qaynatdıqdan sonra süzün. Bu su soyuduqdan sonra balı,
qarışdırılmış yumurtanı da suya əlavə edib qarışdırın. Üzünüzə bu
maskanı fırça köməyi ilə çəkin və 15 dəqiqə gözləyin. Sonra isə ilıq su
ilə yuyun. Nəticədə dəriniz parlaq və təravətli olacaq.