Masaj adətən müalicə məqsədilə orqan və toxumalara mexaniki, refleks təsiri bağışlayaraq qanın hərəkətini qaydasına qalır. Gözəllik və sağlamlığı qorumaq üçün masaj olan yerdə xüsusi əməyə ehtiyac yoxdur. Üz masajı dərinin tez yaşlanmasının qarşısını almaq, ona gözəl baxmaq üçün əlverişli və rahat yol axtaranlar üçün əsl tapıntıdır. Üz masajı nədir, nəyə faydası var və niyə üzümüzü masaj etməliyik – gəlin bu suallara birlikdə cavab tapaq.
Üz masajı nədir?
Masajın çox növləri var, onların əksəriyyətini uzun müddət öyrənmək lazımdır. Amma üz, boyun və dekolte üçün sadə kosmetik masaj növləri də mövcuddur. Belə masajı 20-25 yaşdan başlayıb etmək lazımdır. Çünki məhz bu yaş intervalında qeyd etdiyimiz hissələrdə toxumaların yaşlanmağa meyilliliyi başlayır. Üz masajı təkcə yaşlanmanın qarşısını almır, həm də, qanın fəaliyyətini sürətləndirir, maddələr mübadiləsini yaxşılaşdırır, dərinin oksigeni rahat şəkildə qəbuluna şərait yaradır. Bundan əlavə, o dəri reseptorlarına təsirə görə sinir və endokrin sisteminin fəaliyyətinin təkmilləşdirilməsi üçün bir çox bioloji aktiv molekulların meydana gəlməsinə səbəb olur.
Üzə nə vaxt masaj etmək lazımdır?
Masaj axşam edildiyi kimi, gündüz də edilməlidir. Günün birinci yarısı axşamdan qalan şişkinlikləri aradan qaldırmaq üçün masaj edilirsə, günün ikinci yarısı zəruri olan pre-limfatik drenaj masajını etməlisiniz. Üz masajı üçün ideal zaman 19:00 - 20:00 intervalıdır. Bu zaman dərinin istirahət zamanıdır və edilən masaja tez cavab verir. Masaj üzün və əlin tam təmizlənib, qurudulmasından sonra edilməlidir. Üzdə problemlər (əsasən sinir problemləri) varsa masaj etməməlisiniz. Əgər masajı hər hansı bir alətlə edəcəksinizsə mütləq onun dərinizə uyğun olub-olmadığına diqqət edin. Dəriniz yağlıdırsa yağla masajdan uzaq durun. Üzünüzü 10-15 dəqiqəlik masaj etmək niyyətindəsinizsə bunun üçün xüsusi masaj aləti seçə bilərsiniz. Əgər masajı axşam kreminizlə etməli olsanız çalışın müddət 5 dəqiqəni keçməsin. Bunun üçün kremi 1.5-3 ml götürüb, ovucun içində bir az isidib sonra masaj başlamaq lazımdır.
Masaj üçün ən yaxşı texnika
Ovucunuzu çənənin altından (üz çənədən başlayır) yerləşdirin. Elə yerləşdirin ki, 2 və 3-cü barmağınız burnunuza tam toxunmasın. Və başlayıb ancaq barmaq uclarınızla üzünüzü masaj edin, çalışın barmaqlar kipriklərdən 1.5-2 sm aralı olsun. Daha sonra boyun və dekolte hissəyə keçin. 0.5-1 ml krem götürün və başlayın masaj etməyə. Amma müddəti çox uzatmayın. Krem əlinizdən tam bitəndən sonra masajı dayandırın. Göz ətrafı üçün isə xüsusi krem istifadə edin.