Məlumata görə botoks üsulu 1980 illərdə belə səhiyyənin nevrologiya sahəsində istifadə edilib.
İnyeksiya nəticəsində öz təbii hisslərini, kədər və hirsi ifadə edə bilməyən insanlara botoksun tətbiqi təsirsiz olmur.
Sifətdə olan qırışlara və cizgilərə gözəllik bəxş edən bu üsul kosmetika sahəsində bir çox insana kömək edib.
Onuda qeyd etmək lazımdır ki, dermatologiya sahəsində bu məsələyə xüsusi diqqət ayrılıb. Amerikalı cərrah-dermatoloq Erik Finsin dərc etdirdiyi "Emosiyaların siması" (The Face of Emotion) adlı kitabında ən populyar kosmetik proseduranın depressiyanı yüngülləşdirməsi məsələsini nəzərdən keçirmişdir. Müəllifin fikrincə, insanın siması üzərində botoksla işləməklə onun psixi vəziyyətini yaxşılaşdırmaq olar. O, bir neçə il ərzində depresiyyalı xəstələrin qaşları çatan əzələlərinə inyeksiya etməklə bu nəticəyə gəlmişdir. Əzələ çətin yığıldığından xəstə qaşlarını daha az çatmışdır və beyinə əhvalı korlayan əks siqnalların kəsilməsi nəticəsində əhvalı yaxşılaşmışdır. Bu yolla onun bir neçə xəstəsi depressiyyadan qurtulmuşdur. Mütəxəssis oxucunu inandırır ki, depressiyyadan əziyyət çəkənlər sadəcə şən görünməyə çalışmaqla özlərini müalicə edə bilərlər.
Məlumatda oda bildirilir ki, kitabda dərc edilən bəzi araşdırmalar göstərib ki, botoks edilmiş insanlara daha az simpatiya olur.