Fransız qadınları həmişə diqqət mərkəzində olublar. Dəb, zəriflik, şıklıq, intelektuallıq
– özündə bir çox cəhətləri birləşdirən bu qadınlar digər ölkələrdəki həmcinslərindən fərqləniblər.
Niyə? Səbəbini isə fransız qadınları özləri yaradırlar.

Yuxarıda sadalananlardan başqa, fransızqadını heç vaxt “kaş başqa millətdən olaydım” deməz. Deyəcəksiniz ki, alnına Fransa kimi güclü Avropa dövlətinin vətəndaşı olmaq yazılıb, ona görə. Elə isədigər güclü dövlətlərin qadınları niyə şikayətcildir? Demək, məsələ qadının öz torpağına, dilinə, millətinə bağlılığıdır. Bu da rəğbət yaradır.

Fransız qadın heç vaxt tələsməz. Səhər oyananda işə gecikdiyinə görsə belə ənənəvi kuruasan yeyib çayını qurtumlayar. Küçəyə baxımsız çıxmaz. Amma fransız qadınları çox makiyajı da sevmirlər. Onların ən əsas hədəfi gözəl, parlaq dəridir. Mütləq tuş və azacıq dodaq boyası...

Fransız qadın özünə çox inamlıdır. Kişinin xoşuna gəlib-gəlməyəcəyi onu narahat etmir. Bu millətin qadınları kiçik sinəsinə, yersiz xalına, əyri-üyrü dişlərinə, uzun burnuna görə heç vaxt narahat olmur.
Əksinə kişidə elə təəssürat yaradır ki, sanki əsl qadın elə belə olmalıdır!

Fransız qadın gülümsər üzlüdür. Hətta yoldan keçən kişilərə də gülümsər. Ammabu o demək deyil ki, hər yanaşan kişiyə “hə” deyər. Bir neçə dəqiqəlik söhbətdənsonra xoşuna gəlməyən kişidən nəzakətlə ayrılar.