BB kremləri ilk olaraq Almaniyda bir dermatoloq tərəfindən məlhəm kimi hazırlanıb, lakin daha sonra Asiyda və xüsusən də Şimali Koreyada bu kremlər inkişaf etdirilib və kosmetika sahəsinə bomba kimi düşüb. Hazırda isə dünyanın bütün ölkələrində ildırım sürəti ilə satılır.

Asiyalılar illərdir ki, bu kremlərdən istifadə edir və dərilərinin qüsursuz olmasını BB kremlərinə borcludurlar. BB kremləri həm nəmləndirici, həm də müalicəvi xüsusiyyətlərə malikdir. Bundan başqa dərini qidalandırır. Üstəlik gecə yatmazdan əvvəl təmizləməyi unutsanız da, dəriyə zərər vermir. 

BB krem = Qırışları örtən və azaldan + günəş qoruyucu, sızanaqları örtən + ləkələri gizlədən + təbii tonlaşdırcı + güclü qidalandırıcı və nəmləndirici + parladıcı kimi mükəmməl xüsusiyyətlərə malikdir. Bu xüsusiyyətlərin hamısı bir yerdə toplandığı üçün ona "All in one” kremləri də deyilir. Yəni, hamısı bir yerdə. 

Qalıcı xüsusiyyətlərə malik olduğu üçün gün ərzində bir neçə dəfə makiyajı təzələməyə ehtiyac yoxdur. Axşam təmizləməsəniz belə, dərini korlamır. Əskisənə, dərini qoruyur və gözəlləşdirir. 

• Dərini 24 saat nəmləndirir. 
• Kremin tərkibində olan mineral piqment ləklərini çəkildiyi anda tonunu dəyişdirir. 
• Dəridəki cizgiləri və incə qırışları gizlədir. 
• Tərkibindəki  C vitamini sayəsində dəriyə təravət və parlaqlıq bəxş edir. 
• 15 faktorlu qoruyucu xüsusiyyəti ilə dərini günəşin mənfi zərərlərindən qoruyur.

Günəş şüuları dərinin yaşlanmasını sürətləndirir. Lakin BB kremlərinin bu qədər faydasını görüb aldanmaq lazım deyil. Hər nə qədər faydalı və mükəmməl xüsusiyyətləri olsa da, nəticə etibarı ilə BB kremləri rəngli nəmləndiricidir və əsl nəmləndiricinin yerini verə bilməz. Yaşlanmanın qarşısını almaq üçün hədsiz isti günlərdə hər gün evdən çıxmazdan əvvəl günəş qoruyucu krem çəkməyi unutmayın.