Müğənni Səidə Sultan baxım sirlərini bölüşüb.

Sənətçi üz dərisinə necə qulluq etdiyindən danışıb:
"Salona getməyi, orada yatıb qalmağı sevmirəm. Amma hər gün canlı yayıma çıxdığım üçün məcbur gedirəm. Üz üçün maskalar alıram. Evdə özümə qulluq etməkdən yorulmuram. Hətta təbii vasitələrlə öz bildiyim maskaları hazırlayıram. Bütün xanımlara da məsləhət görürəm ki, hazır kosmetik vasitələr almaqdansa, təbii tərəvəzlərlə ev şəraitində hazırlasınlar".

S.Sultan xanımlar üçün maska deyib:
"Qaraçörəkotunun yağına bir az bal vurub qarışdırsınlar. Sonra üzə çəkib, 20 dəqiqə saxlasınlar. Dərini həm təravətləndirir, həm də cavan saxlayır. Həftədə üç dəfə etmək kifayətdir. Bu maskanı tez-tez edirəm. Pəhriz saxlamıram. Heç idmanla da məşğul olmuram. Orqanizmim elədir ki, nə qədər yesəm də kökəlmirəm”.