Hər il ənənəvi olaraq ən populyar rəngi seçən "Pantone” şirkəti bu il bir yox, iki rəng müəyyənləşdirib.
 
"Pantone” səlahiyyətliləri kvars çəhrayısı ilə solğun mavinin 2016-cı ilin rəngi olacağını düşünür. Onlar iki rəng seçməkdə məqsədlərinin qadın-kişi bərabərliyini vurğulamaq olduğunu bildiriblər.
 
Mütəxəssislər hesab edirlər ki, şiddət və ölüm olayları səngiməyən 2015-ci ildən fərqli olaraq, qarşıdan gələn ildə kvars çəhrayısı və solğun mavinin verdiyi dinclik hiss olunacaq.