Bəzi
meyvələrin qabığı onun özündən daha faydalıdır. Məsələn, stress,
siqaret aludəçiliyi və yuxusuzluq kimi səbəblərdən dəridə meydana gələn
problemləri aradan qaldıra, saçlarınıza qulluq göstərə bilərsiniz.
Banan qabığı sızanaqların düşmənidir
Dəymiş
bananın qabığı dərini ağardır. Həmçinin, sızanaqların azalmasına səbəb
olur. Bananı yeməzdən öncə qabıqlarını yaxşıca yuyun. Onları qaynayan
suyun içinə töküb 10 dəqiqə bişirin. Daha sonra əzib püre halına salın.
Üzərinə bir neçə damcı ərik tumu yağı əlavə edin. Bu maska sızanaqlarla
yanaşı, dərinin həddən artıq yağlanmasının da qarşısını alır. Banan qabığı ilə üzü 10 dəqiqə masaj etmək də effektlidir.
Portağal qabığı dərini bərpa edir
Portağal
qabığını xırda-xırda doğrayıb ilıq suya tökün. Bir gecə suda saxlayın.
Daha sonra bu suyu süzüb onunla üzünüzü yuyun və qurumağını gözləyin. Üz
dərisi quruduqdan sonra bir neçə damcı nar tumu yağı ilə dərinizi masaj
edin. Portağal qabığı ölü dəri hüceyrələrini təmizləyir, dərini bərpa
edir.
Alma qabığı saç tökülməsinin qarşısını alır
Alma
qabığı saç tökülməsinin qarşısını almaqla yanaşı, yeni çıxan
tüklərin sürətlə uzanmasını da təmin edir. Alma qabığını qaynar suyun
içinə töküb 1 gecə saxlayın, daha sonra süzün. Şampunla yuduqdan sonra,
həmin su ilə saçınızı durulayın. Yarım saat gözlədikdən sonra saçları
adi su ilə təkrar yuyun.