Zeytun yağı
(quru dəri üçün)
Türk və Yunan qadınlarının dəriləri qüsursuz hesab olunur. Dietoloqların fikrincə , onların gözəlliklərinin sirri demək olar ki, bütün yeməklərə əlavə etdikləri zeytun yağındadır. Onlardan ibrət götürün.Salatlara zeytun yağı əlavə edin. Ət və balığı bitki yağında qızardın. Qısa müddət ərzində dəriniz hamar və elastik olacaqdır.
Bonus: Həftədə 1-2 dəfə dərinizi zeytun yağı ilə silsəniz, təmizləyici və nəmləndirici vasitələrə xeyli qənaət etmiş olacaqsınız.
Qatıq
(yağlı dəri üçün)
Bu məhsulun tərkibində bifido və laktobakteriyalar var. Onların çatışmazlığı immunitetin zəifləməsinə səbəb olur və öz təzahürlərini iltihaba meylli olan yağlı dəridə göstərir. Üzdə sızanaq və civzələr peyda olur. Qida rejiminə və qatıq əsasında hazırlanmış dietaya (gündə 1-2 stəkan səhər və gün ərzində ) riayət edin.
Bonus: Qatıq dəridə Q vitamininin yaranmasını gücləndirir və qocalma prosesinin qarşısını alır.
Yerkökü
(qabıqverən dəri üçün)
Qızaran və allergiyalı səpkilərlə örtülən quru dəri A vitamininin çatışmazlığından xəbər verir. Gündə 1 ədəd yerkökü yeyin , çünki onun tərkibi A vitamini ilə zəngindir. Amma həddini aşmayın, əks halda beta-karotinin artıq dərəcədə ifrazından dəriniz sarımtıl rəngə çalacaq.
Bonus: Yerkökü görmə qabiliyyətini gücləndirir.
Qreypfrut
(dərini təravətləndirmək üçün)
Sitrus meyvələri arasında C vitamini ilə ən zəngin meyvə qreypfrut hesab olunur. Onun çatışmazlığı dəridə qan dövranının aşağı düşməsinə əsbəb olur. Səhər yeməyindən əvvəl yarım qreypfrut və nahardan əvvəl təzə sıxılmış qreypfrut şirəsi əhval-ruhiyyənizi qaldırmaqla yanaşı, sifətinizə təravət və təbii qırmızılıq bəxş edəcək.
Bonus: Meyvənin acı dadı və tərkibindəki maddələr həzm prosesini normaya salır və maddələr mübadiləsini yaxşılaşdırır.
Ət
( solğun dəri üçün )
Ət – tərkibində heyvan zülalı olan məhsullardan biridir. Orqanizmdə bu element çatışmayanda dəri solğun , əzgin və pis görünür. Dərini möhkəmləndirmək üçün gün ərzində ən azı 150 qram ət yeyin.
Bonus: Heyvan zülalı əzələləri möhkəmləndirir. Ət diyetası üstəgəl müntəzəm idman məşqləri gözəl və cazibədar bədən quruluşuna bərabərdir.
Herkules
( istənilən dəri üçün )
Herkules sıyığını yalan yerə gözəllik sıyığı adlandırmırlar. Onun tərkibində xeyli microelement və A, B , PP vitaminləri var. Herkules zahiri görünüşü yaxşılaşdırır və bütün orqanizmi bərpa edir. Səhər tezdən herkules sıyığı yeyin – dəriniz zərif, təmiz və elastik olacaq.
Bonus: Solğun , cansız saçlara , tez sınan dırnaqlara “əlvida” deyin, çünki herkules sizin bu probleminizi də həll edəcək.
Sonda bütün xanımlara həmişə cavan və təravətli olmağı arzu edirəm!!!