Əksər xanımlar hər hansı bir məclisə dəvət olunduqda günlərlə nə
geyinəcəyi, necə makiyaj edəcəyinə dair tələşa düşür. Çünki xanımlar hər
zaman gözəl görünmək arzusunda olular. Bəzənsə, digərlərindən
fərqlənmək, hamıdan gözəl görünmək kimi istəklər onları daha çox təlaşa
salır. Buna görədə hər hansı bir ziyafətə getməzdən qabaq makiyaj, geyim
kimi bir çox işlərin arxasınca qaçmalı olurlar. Amma elə xanımlarda var
ki, onlar evdə öz ziyafət makiyajlarının asanlıqla öhdəsindən gələ
bilir.
Qarşıdan yeni il gəlir. Sıx-sıx qeyd olunan bayram şənliklərinə yəqin
ki, əksəriyyətiniz dəvətlisiniz. Əhvalınızı açacaq, çoxdandır
görmədiyiniz yaxınlarla qarşılaşacaq, yeni- yeni insanlar tanıyacağınız
bu cür bayram ziyafətlərini əksəriyyət əldən vermir. Bayram şənliyi
makiyajı gündəlik makiyaj formasından mütləq şəkildə fərqlənməli sizi
bir qədər də cəlbedici göstərməlidir.
Bucür makiyaj etmək üçün salonlarda vaxt və pul itirməyə dəyməz.
Qadınlar.biz sizə evdə Yeni il makiyajının edilməsi qaydasını təqdim
edir.
Artıq heç bir xərc çəkmədən evdə edəcəyiniz yeni il makiyajının əsasını
bir qədər zərli və rəngli tenlər üzərinə çəkilən layner təşkil edir.
Əsas odur ki, hər kəs göz rənginə və formasına uyğun makiyaj tipini
dəqiq təyin etsin.