Qış
mövsümünün makiyaj dəbi 60-cı illərdən ilham alıb. Həmin illərdən
söhbət düşəndə isə ilk ağlımıza gələn əfsanəvi moda ikonası Tviqqi olur.
Tviqqinin qeyri-adiliyi ilə seçilən göz makiyajı, xüsusilə də, iri
kirpikləri yenidən aktuallaşıb. Artıq süni kirpiklərdən, sadəcə xüsusi
günlərdə deyil, gündəlik həyatda da istifadə edə biləcəyik.
Tviqqinin
baxışlarına sahib olmaq üçün bir neçə xırda detala fikir vermək
lazımdır. Kirpiklərin təbii görünməsi üçün gözün həm alt, həm də üst
tərəfinə layner çəkin. Kirpikləri qıvırın və çoxlu tuş çəkin. Alt
kirpiklərə də tuş çəkməyi unutmayın.
Kirpiklər kifayət qədər diqqət çəkəcəyi üçün makiyajın qalan hissəsi sadə olmalıdır.