Keçən yazılarımızdan birində ətriyyat sahəsinin geniş olduğunu, müxtəlif qoxulardan, notlardan bəhs etmişik. Buna görə də, bəzən özümüzə uyğun ətir seçməkdə çətinlik çəkirik. Lakin özümüzə uyğun ətir seçməyin də bəzi yolları var. Sizlərə ətir seçərkən nəzərə alınmalı nüansları təqdim edirik.
1. Ətir almağa səhər gedin Günün birinci yarısı burun qoxuları daha yaxşı hiss edə bilir, beyin isə daha yaxşı təəssürat oyada bilir. Buna görə də, biz səhərlər informasiyanı daha yaxşı qəbul edir. Eyni zamanda da, burunla beyin bu vaxtı daha həssas olduğu üçün siz özünüzə uyğun ətri düzgün müəyyən edə bilərsiniz.
2. Təmiz dəri ilə gedin Ətir seçməyə gedərkən dərinizin təmiz olmasına diqqət yetirin. Heç bir qoxulu krem, qoxulu losyon və gellərdən istifadə etməyin ki, qoxular qarışmasın.
3. Eyni anda üçdən artıq ətri yoxlamayın Burun reseptorları eyni anda 3-4 parfumeriya məhsulunu qəbul etmək qabiliyyətinə malikdir. Daha artıq qoxu olduğundan bunlar bir-birinə qarışır və xoşagəlməz təəssürat yaradır. Əgər qoxuları qarışdırmamaq və daha aydın hiss etmək istəyirsinizsə, yaxşı olar ki, ətirləri şarf ya da ki, dəsmal üzərində yoxlayasınız.
4. Bütün halları nəzərə alın Ətir seçərkən onu harda və nə vaxt istifadə edəcəyinizi nəzərə alın. Gününüzün böyük hissəsini işdə keçirəcəksiniz? Bunun üçün çalışın əsas notları çiçək, yaşıl çay, meyvə və ya giləmeyvə olan ətirlər seçin. Daha vacib anlar üçün oriyental, ədviyyatlı ətirlərə üstünlük verin. Yox, əgər sizin daha aktiv həyatınız varsa, ağac və sitrus notlarında ətirlər sizin üçün yaxşı seçim ola bilər.
5. Amma xarakterinizi unutmayın Ünsiyyətcil insanlar, adətən, ədviyyatlı, ekzotik çiçək, nadir ağac notlarında ətirlərə üstünlük verirlər. Qapalı insanlar isə əksinə, daha az hiss edilən ətirləri seçirlər. Daha dinamik olanları parlaq notlar olan ətirlər cəlb edir. Ekstrim həvəskarısınızsa sizi ot, hava notları özünə çəkir.
6. Mağazada kömək istəyin Mağazada konsultant, ətir məsləhətçisi varsa onunla məsləhətləşin. Daha öncə istifadə etdiyiniz ətirlərdən nümunə göstərin. Sevdiyiniz notlardan danışın.
7. İntuisiyanıza qulaq asın Daxili hiss heç vaxt yanıla bilməz. Əgər o sizə deyirsə “şokolad qoxulu ətir sizin üçün deyil, sizə yüngül dəniz qoxulu ətir daha yaxşı gedir”, deməli siz bu cür notlarda olan ətir seçməlisiniz.