Özümüzü yaxşı hiss etməmiz üçün ən təsirli kosmetik vasitə biri də parfümlardır. Aparılan bir araşdırmada sevilən bir parfumun əhvalı dərhal yüksəltdiyi sübut olunmuşdur. Bəs təbii bir vasitələrdən hazırlanan bir parfum necə qoxardı, bu haqda heç düşündünüzmü? Əgər bunu bilmək istəyirsinizsə, Qadinla.com bu məqalədə sizə ev şəraitində asan üsulla özünüzə özəl bir parfumun hazırlanma qaydasını təqdim edir.
Meyvə ətirli parfum
Lazım olanlar: 5 damcı portağal suyu 9 damcı limon suyu 4 damcı naringi suyu 11 damcı günlük uçucu yağ (Frankincense) 3 damcı portağal çiçəyi ekstraktı 11 damcı jojoba yağı Tünd rəngli süşə qab
Hazırlanması: Şüşəyə ilk öncə jojoba yağını əlavə edin.
Digər ləvazimatları da tək tək şüşənin içinə əlavə edin.
Şüşə materialdan bir qaşıqla qarışdırın.
Əgər belə bir qaşıq yoxdursa, şüşənin qapağını bağlayıb yaxşıca çalxalayın.
Parfumunuz istifadəyə hazırdır.
İstifadədən öncə çalxalamağı unutmayın.
Bu qarışımda ləvazimatlar bir az çox olduğundan, daha az vəsaitli parfum qarışımları da paylaşmaq istədim.
1- 10 damcı gül suyu 10 damcı yasəmən yağı 10 ml jojoba yağı
2- 10 damcı Ylang-Ylang 9 damcı lavanda yağı 10 ml jojoba yağı
3- 29 damcı vanil yağı 10 damcı sandal ağacı yağı 11 ml jojoba yağı