Alma sirkəsi təkcə mətbəxdə istifadə edilmir, qadın gözəlliyinin mühafizəsində də böyük rol oynayır. Bu məhsul saç tellərinin güclənməsini təmin edərək, dəridəki məsamələrin nəfəs almasına kömək edir, kəpək problemini aradan qaldırır. Mütəxəssislər parlaq saçlar üçün sirkə maskasını tövsiyə edirlər.
1 çay stəkanı alma sirkəsi ilə 2 litr ilıq suyu qarışdırın və bu qarışığı saçların uc və diblərinə yedirib, yarım saat gözlədikdən sonra saçınızı şampunla yuyun.
Bu maskanı həftədə 1 dəfə istifadə etsəniz saçlarınız parlaq və qüsursuz görünəcək.
Saçları hər gün yuduqda dəridəki qoruyucu bakteriyalar məhv olur, kəpəklənmə və saç tökülməsi kimi problemlər meydana çıxır.
"Saçım çox yağlıdır” deyib saçları hər gün yumaq yağlı saçdan heç də qurtulmaq demək deyil. Əksinə, dərinin qoruyucu florası pozulur. Saçları həftədə 3 dəfə ilıq su ilə yumaq lazımdır.
Saçlarınızda jele, boya kimi kimyəvi məhsulları uzun müddət saxlamayın, çünki bu məhsullar da saçın və saç dərisinin təbii quruluşunu pozur, onları gücsüzləşdirir.