Saç
diblərinin güclənməsi üçün saça sarımsaq sürtmək, ölkəmizdə istifadə
edilən ən geniş yayılmış saç baxımı üsullarından biridir.
Lakin
dermatoloqlar saçqıran, tükləri möhkəmlətmək, yaxud tökülməsin
qarşısını almaq məqsədilə saça sarımsaq sürtməyin zərərli olduğunu
deyir. Daha çox qadınlarda rast gəlinən saç qıran problemi kişilərdə də
saqqal qismində yaşanır.
Tədricən
saçın, saqqalın müəyyən hissəsi keçəlləşir. Bu problemin səbəbi stress,
qan azlığı, vitamin əskikliyi, guatr kimi xəstəliklər hesab olunur. Bir
çox xəstəliklər saçqırana səbəb olur, əsas da stress. Stress tük
köklərinə, hüceyrələrə hücum edərək onları öldürür.
Bu
səbəbdən ötəri tüklər tökülür. İnsanlar isə dərman içib əsas səbəbi
aradan qaldırmaq yerinə saça sarımsaq sürtmək üstün tuturlar. Sarımsağın
tərkibində tük köklərini qıcıqlandıraraq çıxaran maddə var.
Ümumiyyətlə, saçqıran problemi yaşayanların tez-tez qan analizi verməsi, stressə qarşı müalicə alması məsləhətdir.