Hamımız bilirik ki, qadınların əksəriyyəti şişkinlik problemi ilə qarşılaşır, bu da əsasən, hamiləliyin ikinci dövrünə təsadüf edir. Təəssüf ki, əksəriyyətimiz belə düşünür ki, az maye qəbul etsək, şişkinlik də olmaz. Bu, qadınlar arasında yayılmış yanlışlıqlardan biridir.

Orqanizm susuz çox tez bir zamanda tarazlıqdan çıxacaq, hamilə qadına isə su ikiqat artıq lazımdır. Su nəinki böyrəklərin normal işinə təsir göstərir, həm də qəbizlik və erkən toksikoz ehtimalını azaldır.

Əziz gələcək analar! Hamilə olarkən mən özüm 1.5-2 litr su içirdim; çalışırdım ki, qəbul etdiyim mayenin əsas hissəsi günün birinci yarısına düşsün ki, gecə sidik ifrazatı ehtiyacı az olsun. Mən çay, kofe, qazlı su və hətta təzə şirələri də tamamilə istisna etmişdim. Yalnız su içirdim. Bütün hamiləliyim tamamilə şişkinliksiz keçdi. Şişkinlikdən əziyyət çəkən analara suya bir qədər limon şirəsi qatmağı məsləhət görürəm.

Hamiləliyiniz yüngül keçsin.