Bir qadın hamiləlik müddətində siqaret çəkirsə, dölün böyüməməsi, erkən doğum və düşmə riski kimi problemlərlə qarşılaşa bilər.

Qadınla.com xəbər verir ki, bu barədə Stanford Universitetinin alimləri araşdırma aparıb. Mütəxəssislərin fikrincə nikotin uşağın ürək-damar və tənəffüs sistemində, eyni zamanda endokrin, metabolizma, nevraloji və davranışında problemlərə gətirib çıxara bilər.

Alimlər nikotinin fetal hüceyrələrin inkişafına da təsir etdiyini üzə çıxarıblar. 12500 fetal hüceyrə üzərində aparılan araşdırma zamanı məlum olub ki, nikotin səbəbindən həmin hüceyrələrin ömrü azalır və hüceyrələrarası əlaqə zəifləyir.

Nikotin eyni zamanda hüceyrələrdə zərərli reaktiv oksigen miqdarının da artmasına səbəb olur.