Hamiləliyin ən ilkin və ən vacib əlamətlərindən biri aybaşının kəsilməsidir. Lakin hər qadında aybaşı qanaxması nizamlı olmadığından bu yanlış da ola bilər. Aybaşı müxtəlif xəstəliklərdən, mövsüm dəyişikliklərindən, stressdən vəs. hallardan asılı olaraq da kəsilə bilər.
Hamiləlikdə ən tez-tez rast gəlinən əlamətlər süd vəzilərinin ağrılı olması, yorğunluq hissi, mədə bulantıları və başqa mədə şikayətləri (qıcqırma, qusma), tez-tez sidiyə çıxmaq istəyi və qarında qabarıqlıq əlamətləridir.
Bəzi hamiləlik əlamətləri hamiləliyin qəti olduğunu, bəziləri isə ondan şübhələnməyi ortaya çıxarır. Heç bir erkən əlamət hamiləliyin qəti göstəricisi sayılmır. Əslində hamiləliyin qəti göstəricisi körpənizin ürək döyüntülərinin Dopler USM ilə təyinidir ki, bu da 10-12ci həftələrdə mümkün olur.