Meksikanın şimal-şərqindəki Koauila ştatında yaşayan Karla Vanessa Peres dünya rekordu vura bilər. ABŞ-ın Texas ştatı ilə həmsərhəd olan bölgənin sakininin bətnində 9 uşaq var.
Peresin bətnində 6 qız və 3 oğlan var. Karla mayın 20-də 9 uşaq doğacaq.Karlanın əri Bernardonun dediyinə görə, həmin uşaqlar "Tanrının lütfü"dür.

Hazırda Koauila ştatının paytaxtı Saltilyo şəhər hospitalının ginekologiya bölməsində olan Karlanın belə unikal hamiləliyinin səbəbinin isə onun qısırlıqdan müalicə olunarkən ifrat dərəcədə "zəruri prosedur"lara məruz qalmasıdır.

"Hələ uşaqlarımıza ad qoymamışıq və məncə, bu, tezdir. Ümid edirəm ki, hər şey yaxşı olacaq", - Karla deyib. Onun sözlərinə görə, qarajda mexanik işləyən əri daha çox çalışır, dünyaya gələcək övladlarını təmin etməyin yollarını düşünür.

2009-cu ildə ABŞ-ın Kaliforniya ştatındakı La Habra şəhərində yaşayan 36 yaşlı Nadya Suleman bir gündə 8 uşaq doğmuşdu. 6 uşaq anası Nadya bu minvalla 14 övlad anası olmuşdu.

<!--sizeend--><!--/sizeend--><!--colorend--><!--/colorend-->